2010年7月21日星期三

搶閘報著數!免費攞洗護髮液兼set頭




(我正在籌備最新的美容專欄,將於七月內《MORE》面世,更進一步將絕密扮靚心得、喪食瘦身攻略詳盡分享給大家,Blog上及誌上各有不同介紹,雙線齊下,保證《MORE》讀者特別靚過人,請多多支持,謝!)


邊有咁大隻蛤乸隨街跳?真係有喎!
想唔想免費拎走兩大支洗護髮液試用裝、髮型師免費幫你洗吹髮、兼免費 set 埋頭?
就等我快過雜誌報料俾大家知有乜 jetso:
VS Sassoon 全港首間 VIP Room 概念館即將登場,此舉只屬期間限定之作,著數更是接二連三的意想不到。
請密切留意期限:8月1日起至 9月30日止
地點:銅鑼灣波斯富街 JFT
現帶大家先睹為快!






著數 1:
於期間限定到訪 VS Sassoon VIP Room,即可無條件獲贈呢 set 最新日本閃鑽洗護系列,嶄新技術能令髮絲滋潤、柔順、閃亮、減少開叉和毛躁。
容量誠意十足 :免費 Shampoo/190 ml、Conditioner/190g,





估計約值 50 元,絕非俾包風都吹得起的小小試用包。(共有 13 萬套,送完即止。)


臨時搭建的 VIP 美髮室位於銅鑼灣 JFT 3/F 。8月1日起開始提供免費洗吹及造型服務,睇埋下面就知詳情。
裏面有一張矜貴舒適的皮革洗髮椅。
大量分門別類的 VS Sassoon 造型產品任用。


著數 2:
於期間限定的每個週末,在萬寧及屈臣氏買滿 VS Sassoon 最新系列滿 $199,憑單據及兌換券編號,即可預約(2114 4322) 享用 VIP Room ,有專業髮型師免費幫你洗吹髮、兼根據你的面型及喜好 set 髮... set 到行、似去 ball 都得呀!
昨天我率先試吓服務如何!長駐髮型師是來自中環 Salon Nova 的 Zeith,佢教我吹頭時要抓高髮根,至可以做到富 volume 的髮型,唔會因為長髮重而塌晒!免費學嘢... 打蛇隨棍上問點樣用風筒捲曲髮尾添。
Set 頭前再噴上 Moisture Shine Water,滋潤保濕減少熱力傷害頭髮,夠細心,讃!
見到 Zeith 呢支捲髮器有點不同(與我在法國買那款最多髮型師選用的比較) ,又引起我嘅好奇,原來是用了鈉米鈦技術,比塘瓷技術更先進,可做出柔順貼服亮麗的曲髮。真的嗎?請看以下親身示範。
Back view:唔... 都幾好咁啦!富 volume 層次、又有彈性,I like it!
 Before:大家睇吓作比較... 唉,毫無生氣可言呀!
Front view:大家眼前睇到的是真髮啊(因為有太多人問過我係咪駁髮,激鬼死)!與日本至 hit 長曲髮有 80%神髓呢!當然,欠的是 20% kawaii。
大家睇吓,髮型師 Zeith 都 ok 型呀!(哈!哈!轉述自 JFT 靚女 sales 口中)
想見佢一面,就去 JFT 啦,吖,做埋紅娘添!

同場加映:JFT 可愛女生,109 系假睫大眼妝+啡金曲髮+自動波嘟嘴+V手勢遮面。
我輸喇...kawaii 得妳吖!

沒有留言:

發佈留言

注意:只有此網誌的成員可以留言。