Affordable Best Buy (Vol.3)

日の籐配飾

喜愛日の少女系，今夏又點少得籐織配飾呢！

籐籃襯碎花裙腳踏木屐涼鞋，Kawaii 得有點過火位，除非係 18、22 ，否則咪 total look 照 copy 日本風。即使如李嘉欣般美若天仙，畢竟已非青春少艾群組，她也只追捧碎花長裙，再拎番個 Birkin；名媛淑女玩籐織袋，也非 basket bag 而是 clutch。

籐帽玩法更多變，咪以為定要與沙灘 feel 背心短褲才是佳偶天成，型格少女系示範有薜凱琪著上雪紡跌膊 loose cut top + hot pants。

我剛剛出席好友 Vivian 於淺水灣酒店婚禮，以籐帽襯出 dress up style，又得喎！

韓國製籐帽 $250

Mix & Match： 此籐織帽襯上 lace × satin dress，看似三種質料撞到嘭嘭聲，點知出奇地夾，很有歐陸典雅氣質呢！這條大露背 one-piece 是英國品牌，cutting 及手工都做得極佳，I love it so much！

Details 1：帽側飾以雪纺壓摺而成的立體花，用上秋冬 hit 到春頁的 Stella Mccartney 至愛 dirty pink。

Details 2：帽的反邊位可自由扭動，曲直隨心所欲；黑色綴邊也是籐製，非一般粗製濫造的縛上絲帶草草了事。

小插曲：我試戴時覺得太鬆，店主兩下手勢就幫我調較至 fit 我頭形呀，巧妙之處就係黏雙面膠在帽內兩邊，造成厚度！

邊度買得到？

並唔係至方便嘅 CWB 或 TST 呀！嗰日去觀塘開會，途經 MTR 旁的觀塘廣場，有間專入韓國貨的時裝小店，當一眼瞄入店就睇中呢頂帽喇，返咗兩日咋，若想擁有佢... 建議先致電...確保仲有貨呀！

Shop List：

M3 Fashion

觀塘開源道 68 號觀塘廣場 141 號舖

6681 1791 Candy

我的好友 Vivian 嫁咗俾發哥？講笑啫，新郎與周潤發有 99.9% 相似度呀；最好笑係其丈夫長居美國，經常被當地人誤以為是真

發哥，還被邀合照呢！

恭喜晒！祝 Vivian 永遠甜蜜快樂，have a lovely life at the States！