2011年9月30日星期五

又有禮送！ Melvita賣斷市美肌飲料

"A promise is a promise" 前兩天預告今個星期有禮送，現在兌現！
近期我送咗矜貴燕窩同黄金 facial，今次送愈飲愈靚的法國美肌飲料。
告知大家，呢次送禮事件本應是在一個月前發生，怎料推出短短三星期，旋風式賣斷市，也就拖延到今天，我終於可以在此免費送俾大家 try try，實在榮幸！
這美肌飲料 --- 別以為是最常見的 collagen drink 喎，而是幫大家皮膚大翻身「有毒排毒、有瘡清瘡」。
究竟是甚麼東西咁巴閉？即睇：
品牌是法國 Melvita ---「有機草本淨肌精華飲料」，看其包裝盒便領略到標榜天然神髓，
Founder 是法國生物學生及養蜂專家，全部產品經歐盟及ECOCERT有機認證。$ 280/box (20支)
登登登，主角出場.....
一盒上下兩層共20支，每日飲一支，「有機草本淨肌精華飲料」是療程式淨化改善皮膚質素。

咩人啱飲？
皮膚毒素積聚
經常受暗粒、暗瘡困擾
膚質粗糙
膚色暗啞泛黄
週期性如M前滅低爆瘡機會

7大草本成分：
飲入身體的理當特別挑剔，無論是品牌、產地、成分、也經我深入了解及親身試用，大家可放心啊！
共7種有機草本精華，具有淨化、排毒、消炎及抗氧化、保濕、促進皮膚組織修復效用，包括牛蒡、白樺樹液、野生三色堇、迷迭香、白色野蕁麻花、薄荷及蜂蠟。
試後感：
「稀身液體易飲用，味道似略帶甜味花茶不難入口，滲透少少薄荷清涼感；touch wood雖則我少生大暗瘡，然而因捱夜致間中出暗粒，飲用一盒那段時間又好似真係無這問題困擾；睡前會直接倒入口，或早上混和暖清水飲用。」

***注意事項：
持續飲用不應多於8星期。
懷孕或正在餵哺母乳的女士，以及年齡低於13歲者不適用。
每日飲用量不應超過建議份量（1支）。
---
大家想免費試飲這排毒美肌飲料嗎？
參加方法好簡單！
請留言「想獲得Melvita熱賣「有機草本淨肌精華飲料」因由！」
共十位幸運兒，每人可獲贈一盒/共20支，免費體驗這美肌飲料的妙效。
參加日期：9月30日至10月2日，由我挑選答得最出色的十位。
得獎者將於下星期獲Melvita專人電郵通知，換領地點在Melvita專門店：
銅鑼灣時代廣場地庫2層B237舖 
電話：2506 0322

多謝大家參加唷！
————————————————————————————————————————
本週《MORE》專欄精采內容：
移形換影 變走粗糙肌膚
皮膚粗糙，須靠長期作戰悉心護理，若想一時三刻於重要約會時散發平滑明亮健康肌膚，修護妝品法寶幫妳願望達成。
詳情請留意今期《MORE》雜誌內我的專欄。
發佈者： Yoko Tsang 於 00:58 1 留言
標籤：

2011年9月29日星期四

家中必備 氧氣面霜

不知不覺，坊間很多人奠定我是黄金及氧氣的美容專家！
無疑，我又真係好鍾意研究此類看似「匪夷所思」的活膚成分，所以時有在專欄及blog上講解和推介對應之護膚品。

「真的有效嗎？」
根據我長期觀察所得，以下類別人士才能深切體會到上述成分之顯著效果：
膚色泛黄暗啞
睡眠顛倒不足
膚質沒精打采
總括而言一個字：「殘！」
它們是拯救殘樣最有效成分，wake up our skin！

黄金唔多講了，今日想 focus "Oxygen"。
為肌膚注氧有乜妙效？早於兩星期前我在《MORE》專欄內有詳細講解：
氧氣對皮膚確實有莫大裨益，將大量氧氣輸送到皮膚細胞，能令微循環急劇加速激活新陳代謝，仿如為面部做帶氧運動，給肌膚注入元氣活力，從而排走毒素暗粒及改善暗啞、修服受損細胞、調整肌質、令肌膚倦態即消，更能讓往後保養品更有效地被吸收。
總之有好無壞，不分肌齡也須要！

若有留意近幾個月的雜誌廣告，也許都會發覺愈嚟愈多牌子一窩蜂推出標榜含氧護膚品，當中有平亦有貴，售百多元至千多元，的確有點混淆視聽！
「點揀好呢？」
我在《MORE》提及以前用開日本的 CO2 mask，而家則慣用此新改良CO2 gel mask pack，有幾位朋友話我寫得好精采，忍唔住Whats app我----問想買仲有無 further discount，so sorry......優惠價已經碌盡【有興趣查詢：2771 8202 ／2525 2827】；至於面霜，我家中除一般保濕、美白、抗皺，還必備注氧功效…..

我喜歡的是這瓶面霜：

個 look 係咪好優雅咁呢？
此「極緻注氧面霜」乃西班牙著名天然有機品牌---Alissi Bronte，
重點注氧兼含豐富養分如 水解大豆蛋白、人參、積雪草、蔬菜胎盤、尿囊素、維生素E等，
漸進式進補滋潤抗衰老去皺，至啱對抗泠氣間及轉季開始使用。( $758／50ml )
試用後便知值回票價，即睇解構......
在官方網頁找到這張相，是Alissi Bronte位於西班牙的實驗室，我初接觸這品牌時了解到它們擁有超過 30年的研究，在此成功研發的產品都有當地衛生部及醫藥皮保健認可證書，過咗第一關可放心試用。
研究所外貌靚成咁！
此面霜名為 Vita Oxygen Cream，質地是極柔滑(很相信9成女士試上手必愛)，看來帶點潤澤，
除了重點氧氣作延緩衰老治療外，加添豐富純植物精油，鎖水一流，成分天然敏感肌合用。

我每次也於面上四點(圖示)分別塗上少量 cream，隨後配合按摩推開，
極滑溜易推，薄薄覆蓋便可；在西班牙的beauty center會配合高頻電極注入底層，而我家中有手提超聲波機，也會間唔時配合，令養分加速滲透。
立竿見影的效果是膚質速變柔軟，泛起光澤，這是純植物精油發揮即時效力，我最buy是不含礦物油，那便不怕block毛孔。藉此解釋一下，很多人怕面霜黏立，往往追求 oil free 產品，其實油分是有其效用的，強而有力目的是在皮膚上形成鎖水層，阻截水分流失，重點是揀「有益」的油分配方，即由天然植物提煉出來而非化學成分。
相乃放大了的面頰，塗後肌膚即時可見振奮的光澤度，看起來更加容光煥發！
我覺得一整晚也持久滋潤，長期使用視為皮膚叉電療法。

Alissi Bronte
銅鑼灣告士打道311號皇室堡1/F shop103
3425-4001



————————————————————————————————————————
本週《MORE》專欄精采內容：
移形換影 變走粗糙肌膚
皮膚粗糙，須靠長期作戰悉心護理，若想一時三刻於重要約會時散發平滑明亮健康肌膚，修護妝品法寶幫妳願望達成。
詳情請留意今期《MORE》雜誌內我的專欄。


發佈者： Yoko Tsang 於 02:28 0 留言
標籤：

2011年9月28日星期三

峇里最終回--歎世界

預告......今個星期又會有禮送大家，記得密切留意啊！

一連三日在此分享了我喺峇里吃喝玩樂之旅，結果這幾天收到的來電，八成人第一句話都是：「知你去咗峇里，好似好好玩咁喎！」哈哈，我的行踪大家也瞭如指掌，多謝你們每日到此一遊。
今日，一反我寫blog作風，少字多相，皆因想用靚相帶領你哋忘卻工作壓力，跳出香港鬆一鬆。
此行無憾全因去咗以下呢處迷人地......
Let's go to Bali BVLGARI Resorts......
到喇！可以企喺呢個正門影相，之前要先過兩關----雷達及大狗車檢，非常森嚴。
拾級而上，是四周開揚的大堂，俯視無邊無際天海景色。
登記後，有專人揸車載去每個地點，泳池、餐廳、spa，我諗數得出只係用腳行咗廿步內！
Amazing！泳池水與藍天連貫起來，大家係咪好想跳入去呢？
泳池另一邊係咁樣，非常繽紛，喺香港難得一見，襯晒我條桃紅色印花 tube dress呀！
泳池邊有多張大床攤抖，爽呀！

泳池附近就係餐廳---呢個情景實在太 crazy 喇，高踞臨下望海令食慾大增，
哈哈......我本來已經超大食，加埋非常高水準的烹調，
結果呢餐食到激飽，之後立即趴低做按摩，oh......
賣相一流的鱸魚拼虎蝦、冬蔭龍蝦湯、甜酸沙律、牛柳拼切角薯。平均消費 HK$350/人
食食吓，突然有隻馬騮擦身而過，喺我面前表演飛身跳樹，
我覺得超搞笑，卻嚇到好友 MoMo 大嗌，
好在我哋無帶「百佳」袋，唔會引咗佢撲嚟搶.....哈哈！
我哋個肚完全無機會消化，因為食完以上豐富一餐，又即被安排上車去呢度---- 按摩facial亭園。
嘩，好有情調！浸浴水壓缸藏在地下，窗外是一片草地。
呢度有近十款按摩，我當然揀古法穴位推按，舒緩筋骨疲勞，
非常到位，讚！我按了半小時按捺不住睡著了。
其實呢間係雙人房，我與好友一齊做 massage＋facial，nice！
全人手按摩通面部淋巴，我玩足咁多日又捱夜，排水排毒啱晒我。
 滋潤抗抗衰老 facial 梗係用 full set BVLGARI 產品啦，留意右下角是我至愛注氧 mask；
至 於body，佢哋幫我用品牌 ESPA，很多國際著名酒店也用，
純天然植物成分氣味芳香，特別 relax！
-
在BVLGARI Resorts簡直係女王級享受啊！
-
後記：玩嘢飄浮相！
＋鱼眼影像效果


噚晚試食串燒新店，朋友們已急不及待相約下次出 trip，目標 1 月韓國滑雪＋購物＋喪食，超期待！
————————————————————————————————————————
本週《MORE》專欄精采內容：
移形換影 變走粗糙肌膚
皮膚粗糙，須靠長期作戰悉心護理，若想一時三刻於重要約會時散發平滑明亮健康肌膚，修護妝品法寶幫妳願望達成。
詳情請留意今期《MORE》雜誌內我的專欄。
發佈者： Yoko Tsang 於 03:02 0 留言
標籤： ,

2011年9月27日星期二

峇里是天堂與地獄！

 如果要我形容峇里，答案係一個天堂與地獄二合一的旅遊區！
唔計旅程的頭尾兩日搭飛機，中間三日我去過 Conrad Bali、Bvlgari Resort 同 Ayana Resort，全部都係美不勝收的全球最佳旅遊勝地之一；不過峇里的另一面貧窮及醜陋，真係嚇親唔少人。

例如貧窮所帶來的人性醜陋，在整個旅程上不停遇到：
Case 1：
第一日，我們在找換店將帶來的美金換成盧布，就發生偷龍轉鳳呃錢騙案，真係睇警訊都無咁精采。找換店的人居然可以當眾將錢變走，變走美金又得，變走盧布亦得，勁過森美變魔術，明明親眼加親手點算，騙徒都可以從中扒走紙幣，直到離開後再點數，發覺少咗張100美金才知中招！幸好我們人多勢眾，一次過23人晒冷講數理論，絕對唔輸陣，冇警員疏散都唔會罷手，所有被騙金額先可以完全取回。

Case 2：
其次係大部份餐廳都係騙徒！大家有冇發覺我們第一餐午飯居然要 $300位，實在係香港的中高級消費額，去到峇里平民區，又唔係在酒店消費，點解都要咁貴先？
後來至發現，幾乎所有餐廳俾遊客睇的 menu 都係原價的5-6倍，我地仲要到最後一日先發覺！事緣我們請酒店員工介紹一些他們當地人平常會去的好味餐廳，問清楚每人平均消息只需 HK$50，點知去到一坐低，叫支可樂要 HK$27！點可能會係當地人（平均月薪 HK$1,000）消費得起？不再妥協，即撇，最後終於搵到間老實餐廳，暴飲加暴食才 HK$750，23人除開 HK$33一位，唉，之前受騙真係唔抵！

地獄中的天堂，要到真真正正的 resort 才找到！
Conrad 固然美麗，Bvlgari Resort 的華麗是世間罕有，我在那裏消閒了整個下午及晚上，其間所發生的事將有專文介紹。
最值得推介是到 Ayana Resort 的 Rock Bar 欣賞日落，是一生人必到的勝地！
為何 Rock Bar 叫  Rock Bar？
因為它建於懸崖底下的岩石上，訪客都必需經酒店的覽車下降而到，
聽著海浪拍打岩石的聲音，欣賞朝夕之交替。
可惜，排隊搭覽車的人太多了(看我背後那條隊只是6分1人被攝入鏡咋)，
我也沒有這份耐性等候。
選擇在懸崖上拍了不少日落照片，其實懇崖上下的景觀都一樣，
我也無謂浪費這些時間。
在這 Ayana Resort上也有一間教堂，當日已經有三對新人行禮，
我稍嫌這裏較熱鬧 (太近 Rock Bar 排隊位置)，沒有 Conrad 的一份恬靜；
附近草地可以安排晚宴，確是浪漫至極，是一生人難能可貴的結婚理想勝地呢！

在 Conrad Bali Infinity Chapel 參加好友 Fanny＆Benny 的婚禮後，我哋搭了半個鐘車程去 Huu Bar 晚宴。
呢間係當地一間 hip bar，食完飯仲可以clubbing，
推介俾即將有機會去峇里的你，一定要試吓！
露天草地仲有幾張大床任你「訓」住 hea，
無聊玩人肉層層疊遊戲，猜輸墊底，crazy！
旅程大合照，chok pose！

————————————————————————————————————————
本週《MORE》專欄精采內容：
移形換影 變走粗糙肌膚
皮膚粗糙，須靠長期作戰悉心護理，若想一時三刻於重要約會時散發平滑明亮健康肌膚，修護妝品法寶幫妳願望達成。
詳情請留意今期《MORE》雜誌內我的專欄。

發佈者： Yoko Tsang 於 00:09 0 留言
標籤： ,
訂閱： 文章 (Atom)