日本少女部屋新抵港！
日本有股懾人的魔力！無論一年去〝 N 〞次都係咁入迷。
近幾年我經已將遊日樂趣演變成習慣 ... 為的是換季入貨，因為日式時裝 style 與 cutting 最合我意。
每當翻開日誌，心底裏就會燃起赴日的衝動，時裝、配飾、美容、美食，通通都賞心悅目。
大家試幻想吓，如果可以手指指日誌內任何產品，轉頭幾日就可安家中或辦公室，落到你手中，係幾咁令人興奮呢！依家，這幻想唔再係妄想或奢想，真的可以實現呀！
空運抵港
就等我宣揚俾大家知，尖沙咀啱啱開咗間以日式雜貨為主題的概念店，叫做 〝Upon Witchee Happy Room〞，其實呢個 group 喺今年 5月、6月已經火速開咗幾間鋪，太子、旺角、葵涌都有分店，咁高調擴展，當然要逛逛睇吓有咩板斧；亦可想而知日本少女部屋係幾咁成功吸引港女。
呢間佔地 2,000 呎的尖沙咀新店有乜過人之處，可以從中突圍？
食糊位就係獨家提供非一般服務... 喺店內設有很齊全的日本雜誌架，只要你睇中書入面介紹嘅貨品，記住係任何...衫、袋、鞋、妝品、零食，甚至係傢俱，都可以即時落 order 訂購，最 surprise 係部份日誌喺香港唔見有入，原來是經店主挑選，直接由日本空運抵港。
青春無敵的店員話經 Angelababy 著過既 〝Deicy〞碎花連身裙，即刻超多人訂購，又喺明星效應呢！
Q：要等幾耐先？
由落 order 計起， within 兩小時就會知日本嗰邊有無實貨 ，而送到府上亦只需幾日，勁有效率！
Q：咁點計錢呢？
揀中想訂購的貨品，以該定價計算收 8% 手續費，另外當然要加理運輸費啦，貨品是坐飛機來的，例如一條裙約收 $70左石，視乎體積和重量。
日式喫茶店 無限飲食！
另外，我就好鍾意舖裏面自成一角的日式喫茶店，只要俾 $5 就有 15 分鐘可以任飲任食，有沙律、三文治、蛋糕，精緻甜點、杯麵、日式由奇、大量零食、咖啡、果汁等等，真係「抵得諗」嘅 service，最緊要係坐得舒服嘛！
最多人讃係綠茶奶昔，試過又真係好鬼好味，奶濃綠茶清香；最誇張見到有個女仔一次過買成打走，即係 60包，前個禮拜斷晒貨，啱啱已經補咗貨呢！
- 京都宇治綠茶奶昔 $25/5包
日本著名雜貨品牌 Chocoholic，其蛋白 sweety 每星期部會有新驚喜，以不同造型亮相，如這款用可愛布袋盛載，亦試過用杯，滿足食完都有收藏品嘛！
- Chocoholic 蛋白 sweety $25/包，連袋 $48。
以下仲有其他推介呀！
- 日製曲奇餅，非常香脆！
- 絲襪牌子有 Anna Sui， Vivienne Westwood，Rebecca Taylor 等等，由幾十蚊至三百幾元。
- 藤籃成為依家日本少女勁 hit item，又係可愛搶風頭！ CECIL MCBEE 藤籃 $515
- 仲有衫賣添，不過旺角家樂坊鋪至最多款。
- Forever 21 飾珍蛛串 top $395
- Forever 21 lace × cotton top $405
(由即日起至 7月中 ，全部貨品會有額外 95 折優惠。大家把握掃貨時間喇！)
UPON WITCHEE Happy Room
尖沙咀海防道 51-52 號百萬龍大廈3樓全層(BODY SHOP側) 2730 3323
沒有留言:
發佈留言
注意：只有此網誌的成員可以留言。