想髮質靚，頭皮都要做 facial！

頭髮唔靚要「賴」頭皮？！

嘩！原來頭皮衰老速度是臉部「6」倍、身體「12」倍!

大家都識得關注臉皮保養，但對於頭皮肌膚卻漠不關心。

要知道頭皮鬧情緒，輕則過乾或過油、繼而痕癢、脫屑、重則掉髮(男士死穴)、兼敏感發炎。

唔健康的頭皮，毛囊被壞死細胞及油脂堵塞。

健康的頭皮，毛囊暢通無阻。

身邊朋友都知我自小已經好緊張一把長髮，然而貪靚惹禍，搪瓷曲髮、負離子、不間斷 color treatment，又堅持長及腰但營養難達髮尾(因為深信「長髮外表會加分」)，結果要費盡心力去打理，仲以為頻密焗油就係折衷之法，點知... 近日竟然發現有頭皮屑，真係情天霹靂，十萬個為什麼，我有潔辟嗰喎，呢 D 嘢點會纏繞我，乜唔係冬天乾燥至會發生嘅咩？

即刻去朋友間 salon 照吓頭皮健康顯示器，原來係頭皮層堆積老化角質，他以專家口脗謂：「夏天皮脂腺分泌會特別旺盛，加上妳只注重滋潤頭髮而沒有潔淨頭皮，咪出事囉；其實想髮質健康，基本部是頭皮要健康，但好多人都會忽視！」

知道，收到喇！頭髮係我命根，錢解決到就唔係問題，即買以下急救產品。

真相大白，行動升級：

必備 1

深層潔淨頭皮洗髮液

呢樽洗髮液是意大利製，我喺尖沙咀一間 Hair Salon 買，專針對頭皮潔淨及預防和擊退頭皮屑，成分 sell 天然，兼可舒緩頭部皮膚，可以 day day 用，連續用兩星期已經解決咗頭皮問題喇，掂！

(約$150/250ml)

每次洗頭都要按埋頭皮，然後待 3 分鐘至沖水；極易起泡，洗後 feel 到好乾淨好爽。

必備 2

頭皮頭髮按摩滋潤霜

洗髮後，當然要加強修護頭皮和滋養髮絲，日本嗰邊好興外出做 hair spa，其實喺屋企都可以有如此效果。最近買咗款頭皮頭髮兩用按摩霜，係 head&shoulders 新出，喺日本研發，有多種礦物精華仲有深海純水，我會當超班護髮素咁用，配合埋頭皮按摩事半功倍。

(激抵價：$89.9/200g)

呢款按摩霜既可以滋潤頭髮又可修護頭皮，洗頭後塗抹，待 1 分鐘沖淨；價錢抵用，容量又多，正！

必備 3

頭皮修護免沖精華

如果妳都係挑剔一族，想頭皮更健康，推介用埋 免沖精華，每次洗護髮後將數滴精華滴在頭皮上，然後接摩助吸收，其修護成分有助頭皮水油平衡、修護角質層，兼令細胞健康生長，頭髮自然都靚啦！

(約$ 190/50ml 萬寧有售)

Phyto 是法國很有名護髮品牌，呢支頭皮專用精華有維生素及植物萃取，用後頭皮健康，感覺很清涼呀！