世間上減肥方法千奇百怪，女性都在朝思夜盼「越瘦越正」，想得出什麼減肥偏方都敢試！
興幸媽咪遺傳「瘦底」身形，但我嘅胃口等同正常女仔兩倍(身邊朋友都話我可以挑戰小林尊)，有乜法子唔驚肥吖，所以時刻緊記去皮、去油、去肥膏格言，食得多唔緊要，深知最緊要「有入有出」啫！
我都試過穿齊束腹衣和束褲睡覺，其實都幾辛苦，但每朝醒來都覺得腰和大腿好似緊緻咗，當然幾個鐘之後，開心感覺會隨時間流逝。
中六開始已經識搽 Clarins body shaping cream 和 body lift，亦會不停試其他牌子，嗰陣時返女校，成個專家咁，教同學 keep fit，諗番都幾好笑；有時興起仲會包保鮮紙 15分鐘，焗到出汗會好安心，但敏感皮膚千奇咪試呀！我都懷疑過自己係咪太癲！
- 「喵...喵！媽咪，我都有做運動 keep fit ，點解仲係咁肥美嘅？」
不如講吓坊間仲癲減肥法俾大家知：
淨食波蘿當正餐：拍《101次求婚》的淺野溫子，因為參考一本書籍之後，發現波蘿有「去油」的功效，就一日三餐只食波蘿當正餐，但酸性會將胃壁磨得很薄，結果導致經常胃痛，聽了醫生勸喻才放棄這個減肥方法。
「蒟蒻減肥法」：八十年代走紅的日本玉女偶像南野陽子，試過一個月每餐只吃低熱量的蒟蒻和水，結果破壞身體機能，致令肌肉無彈性，就連胸部都像洩氣汽球啊！
噁心的「吞蟲法」，讓蟲將吃進肚內的東西都吃掉，但「佢唔係妳條蟲」，除咗食物，更會吸埋妳體內營養，得不償失呀。
不吃東西，只打營養針度日，維持幾日都仲可以，但長此下去都係唔勻衡，更會令食慾驟降，最終引發厭食症。
辣椒減肥法，在飯前食下大量的生椒辣，一方面為刺激腸胃不想進食，第二方面藉由辣椒幫助燃燒熱量，如此刺激內臟當然傷身不健康，小心胃出血喎！
狼吞虎嚥後，又因為罪惡感以食指挖喉將食物催吐，這樣反覆會引致胃酸倒流，甚至引發厭食症。
以上減肥怪法皆非常有問題，若果想試真係癲！窈窕的身材固然重要，但健康更重要，希望大家引以為戒，不要輕易嘗試呀！
以下推介我近半年的健康 keep fit 法：
因為睇過一本台灣出嘅書《奇異果早餐減肥法》，教導只要把握早餐吃 3 個奇異果，再伴以一杯茶或溫開水，午餐、晚餐照吃，但也別吃得太狂，若想吃甜點就吃奇異果。
所以...我半年前開始每日早餐都會食奇異果兩至三個，維他命 C 、鈣的含量及膳食纖維都極高，覺得排宿便好咗，應該係有助胃腸蠕動，所以照理代謝脂肪速度亦會加快；我深信比香蕉減肥法成效還要高，理由是低熱量，仲可以加強抵抗力，bonus 係皮膚白淨 D。
日本有藥學博士亦証實，奇異果含有可以促進代謝分解多餘體脂肪的肉鹼，他親試每天「奇異果早餐減肥法」，一年就健康瘦了 20公斤，當然，可能佢原本係好肥呢，又或者早餐愛喪食，才有這成效！
袁詠儀亦曾經公開「產後奇異果減肥法」，所以更令我深信不疑，集美味、健康、美肌減肥法，持之以恆也無妨嘛！
我喜愛的奇異果食法：
- Step 1：準備 3個奇異果，不要揀太生，會很酸又硬！
- Step 2：剝皮備用。
- Step 3：冲調我喜愛的美肌紅莓茶。
- My favourite：自製奇異果紅莓特飲，含超豐富維他命，日日飲瘦身又美肌！正！
沒有留言:
發佈留言
注意：只有此網誌的成員可以留言。