由紅變黑！
啡紅髮色已維持了近一年，彷彿已成標記，說實話，也自覺新鮮感欠奉。髮型師好友Jobby 建議，婚前一星期做 blue black color treatment，可令髮質看來更富亮澤和健康，化妝師也認同深髮色能令五官更突出、膚色更白皙，個人亦認為與純白色婚紗更匹配。聽從各方好友意見，於婚前決意將頭髮由紅變黑。
東刮西刮！
日子前我要預先準備前蔭假髮，因為留海短至及眉不能分側界，所以到訪勁多髮型師的尋寶勝地，佐敦廟街口髮型用品雜貨店，怎料只剩下偏啡色系，臨急臨忙到藥房買支 old school 玩意「黑彩」，為假髮前蔭即時噴黑。頭飾最怕泛濫的羽毛紗網帽，也討厭扮可愛的高貴小皇冠，遂前往深水涉東刮西刮，俾我揾到心儀的網管，一碼才 $8，心想交託髮型師必可創出 modern look。
Teddy Ng 操刀！
My Big Day 由相識 8 年的星級髮型師 Chin G. Teddy Ng 操刀，他最掂是富創意，真正「有諗頭」！我現在頭髮長及腰，於他而言仿如 Barbie 般可塑性甚高。
一向不愛梳髻，怕變老成；也不愛由頭頂至髮尾捲細曲，會像孿毛狗化身。Teddy 謂根據我的面形，想顯得「瓜子點」，應梳起公主辮，再將三分之二下半頭髮捲曲然後削鬆，那就遠看也極富 volume，扮晒天橋上品牌 models 的娃娃 look 熱門造型。
有了喜愛的基礎髮型，當然少不了綠葉髮飾，此時 Teddy 發揮超強 DIY 秘技。
拍攝 pre-wedding photos 時，Teddy 親手為我製作一頂小皇冠，是用紙巾扭成，足足花費了近 2 小時；至婚禮當日，他又做了一個立體蝴蝶結頭飾，製作過程超複雜，先將一條營光黃長方形亞加力膠以火燒中間位，趁微溶之時即屈曲造出立體效果，然後在硬膠上以電鑽鑽孔做出波點圖案，真係饒富心思，萬二分感激加佩服！
沒有留言:
發佈留言
注意：只有此網誌的成員可以留言。