「爆乳 bra」登台

台灣辣妹乳不驚人誓不休，強擠出爆乳效果。哼！假的真不了。

因乜解救...台灣及日本新世代彈出咁多「好雙乳」女性，有理由相信天然無添的只佔極少數，整形風盛亦唔一定要揾命搏，零風險就係搏命托，尤如海市蜃樓，疑幻似真變幻球。

八姨太上身講件真實例子俾大家知，某女歌星一向被人誤以為性感誘人好身材，實情是先戴 nude bra，再用

縐紋膠紙所有背脊及胸側肉推晒喺中間以固定，然後再戴加碼厚墊 push up bra，製造跳級洶湧震撼視覺效果。

Step 1: 戴 Nude Bra

Step 2: 以縐紋膠紙將背脊及胸側肉推向中間固定，是很多 model 仍會用的豐胸方法！

Step 3:最後偕建部驟是戴多個 push up bra，即大功告成。

這女歌星靠後天身材走性感路線，因而迷倒不少男 fans...我點知？當年在某頒獎典禮的後台有幸參予僭建過程呀！經過努力塑造之效果的確唔少嘢，她為事業線下既苦功，我亦相當理解，但真係戥佢皮肉受苦。

夏天到，女士們想仿效台日系辣妹吹捧的谷胸熱潮，其實無需捱苦，請留意以下最新資訊：

前幾天，台灣有一款甚具話題性的「爆乳 bra」剛登場，bra 如其名能塑造超激凸視覺效果，用上最新研發的素材。

市面上一般胸罩襯墊材料是海棉、充氣和水袋，今次首創的是半油半空氣，較舊有素材優點多多，如比起水襯墊輕一倍，更舒適而且透氣、觸感模擬真實胸部彈性，即使唔小心被朋友碰撞到都無咁假、輕柔感不會使胸部過份壓迫，連升兩至三 cup so easy；怕唔怕易穿兼漏氣尷尬人前？半油半空氣襯墊材料經鑽研測試，封口緊密，但清洗時仍須小心才不會破裂。

邊度有得賣？是 Easy Shop，可惜只限台灣店，香港暫未發售，所以無法為大家取材解構。

Lena 上年尾任 Easy Shop 旗下代理品牌 Laguna Moon 代言人，超激！