當美容編輯多年，讓我有機會踏遍無數大中小規模美容院，試盡坊間嶄新扮靚技術與產品，大家有冇試過當完成效果勁得的 treatment 後，想買產品返屋企繼續進補，卻換來一句：「Sorry！Salon 專用，冇得買呀！」真掃興。
好在總有機會讓我盡興。就係期間限定美容展，唔止齊集世界各地美容產品，仲要保証件件超筍價發售，二折、三折......令妳陷入非理性喪心病狂購物症！講真，我好多次都錯過咗，因為目標人物是美容院揸 fit 人同業內人士，等閒之輩並非 target customer，所以宣傳薄弱，好在今次有個美容院老細叫埋我去逛吓！就喺九龍灣展貿中心，得 3 日咋(5月11至13日)。
途經某攤位時，見到一堆人塞住只得約 70 呎的地方，好奇心驅使下睇睇，是 Aroma Vera 香薰精華油，大家可能對佢零認識，其實真係好嘢，打入美國香薰市場近 30 年，在當地非常出名，我知香港有幾間連鎖美容院和某 "F" 字頭大型健身中心都用緊。即刻問有咩款揀、同有咩會場優惠先！
有成近 20 款真係眼花撩亂，最搞笑名堂有「性感護理油」，開宗名義是散發迷人香氣營造浪漫感、「美麗人生護理油」針對更年期和經前後群症、「歡天喜地護理油」作用鬆弛神經和激勵人心...結果我揀咗兩支 Body Contour 減肥油、通淋巴油 Lumph Drainage、舒緩肌肉酸痛護理油，俾錢嗰刻至知買 5 送 1，即時婆仔心態揀多兩支，埋單 $400/6支(各60ml)，比原價平超過一半。
- Aroma Vera 香薰按摩油 各$80，超平！
再到另一攤位，又有香薰精華油，是西班牙品牌 Thalissi，大家或會即時聯想到西班牙另一著名品牌 Alqvimia，其實兩者都是叮噹馬頭，之不過係後者有專門店又有宣傳，行內人就會知 Thalissi 勁，香港幾間五星級洒店都指定要佢。會場價全線 3.5 折，點忍手！此品牌亦有推出如 Alqvimia 的王牌皇后活膚水，Thalissi 的叫伊利莎皇后活膚水，相傳配方能令皇后衰老的容顏還原美麗，成為傳頌活膚靈藥；我本來想買收緊護膚嗜喱油 $1,090/300ml，折後 $381.5，點知冇晒現貨，sales 姐姐話可以訂，仲可以送到我屋企，更隨即送我兩支試用裝， 真好服務！
- 免費 tester：修身+firm胸。
另外，仲買咗 Fabulous Skin 意大利出品眼膜連精華液和法國出品燕窩蛋白、玫瑰牛奶面膜，抗皺、保濕、白滑一 take 過，超筍價！
- 眼膜 5對×精華液 5支，含魚子精華、骨膠原、透明質酸等保濕去皺增彈性。原價$250，會場價$90
- 眼膜夠大片，連面頰都覆蓋到！
- 法國製精華面膜 $6/片(會場超惠價)，送禮自用都「正」！
- 韓國潤手護甲霜，經醫學測試可抗皴及持續保濕，試完即買，掂！原價$120，會場價$40
最後今日(13號)，睇完個 blog 有興趣就要即興，九龍灣展貿中心 10am-6pm 完！
P.S 冇美容業界卡片，入場費 $30。
沒有留言:
發佈留言
注意：只有此網誌的成員可以留言。