市面上 BB Cream 品牌隨時過百款，我會點揀呢？一向係人肉測試機，收到咩新產品都冇有怕照試，化妝品要搽足一日至能真正體會易唔易溶，護膚品就起碼要塗上面一星期至知係咪堅 work，好在皮膚聽話唔會敏感！職業病所致，慣性留意朋友們的皮膚質素，有咩轉變，無論好咗定差咗，都逃唔過我嘅法眼！
見人辦即索料
上星期約咗做 fashion designer 的朋友 Mabel，甫見面未傾工事，我即搶問：「搽咗乜嘢？轉咗粉底？點解皮膚喺一個禮拜會突然間變得滑晒、額頭暗粒平服咗，膚色仲好均勻，快快講！」Mabel: 「我今日有搽 BB Cream 嘛，嗰次見妳都冇化妝。」嘩！心諗咁大差別，証明支 product 好得。
Skin 79 妳要知
即問是咩品牌同邊度有得買。Mabel: 「 BB Cream 叫 Skin 79，屈臣氏買到，我身邊 D 朋友一傳十都係用緊佢。」心諗我都未聽過，但既然有人辦，即管試試。當晚即刻去 Watson 揾，見到 BB Cream 架上有成 30 幾個牌子，如果無目標搜尋真係難作決定。
經查看 Skin 79 原來也是 BB Cream 強國韓國出品，揾嚟台灣天后蔡依林代言，真係有好幾個韓國女星都用緊，更取得韓國政府發給的「改善皺紋產品認証」，標榜一支集合美白、抗皺、防曬、均勻膚色美肌功效。
- 韓國 Skin 79 Super+ Beblesh Balm $148
- 揾蔡依林做代言人，呢個品牌都好落重本。
親試效果
架上有兩款，朋友 Mabel 就係用桃紅色嗰支，質地較透薄，所以遮瑕效果無咁好，我都係揀呢支，因為已足夠掩飾鼻翼兩旁粗大毛孔，仲做到全面 lifting 效果；膚色較明亮，而不是 tune 得太白那種；但由於天生眼圈色素深，塗後只可遮掩 6 成左右，還是要 on top 印上我至愛的 Paul & Joe水潤遮瑕膏；其質地也夠潤，用手指印上沒有現乾紋，但呢排天氣勁熱又潮濕，即使已輕撲乾粉，幾小時後也覺 T 字位泛油，要用面油紙輕印，總括來說，呢支 BB Cream 表現相當不俗，膚色偏黄的效果最好，但較黝黑的就不適合。另一款是銀灰色樽，質地較厚身，遮瑕效果當然更好，但熱天真係會好立！屈臣氏標價 $168，依家有折 $148。
- 喺架上見到淨番一支，另一款就仲有幾支，直覺叫我梗係試呢支啦！
- 左邊搽咗，右邊無搽，膚色差別超明顯呀！
- Paul & Joe 呢支遮瑕膏質地好水，塗上眼唔怕乾紋加劇！
過往試過 SaSa 有售的 Dr. G，初塗上面的確係正，但幾小時後膚色會變灰暗，搞到有同事以為我曬黑咗；HanskinWater Action普遍人都讃，但我試過太立搞到狂標油；Mioggi Smoothing Cover嗰支質地最舒服，但色澤未夠靚，配埋帶少許珍珠白的碎粉就最perfect。當然，每個人膚質有別，最緊要試上面才知夾唔夾。
在討論區很多人對 BB Cream 也有誤解，記住 BB Cream 唔係護膚品，要徹底落妝；要細心用手指薄薄按上 BB cream，否則就好易過厚，焗住皮膚，唔爆瘡至奇；用 BB Cream 後撲碎粉，個人認為妝效可以更 long lasting、控油同埋皮膚睇落去滑 D，真心推介 Bourjois 呢盒礦物粉餅，唔止有護膚功效，最讃定妝一流，色澤白中帶微粉紅，身邊朋友試咗都愛上，必揀 01 rose clair 色。(時代廣場地庫有 Bourjois 專門店)
- Bourjois 礦物粉有幾隻色，但只有 01 啱全面定妝用，其他偏太紅和啡，只適合局部塗上。
沒有留言:
發佈留言
注意：只有此網誌的成員可以留言。