上文講到盲樁樁入黑店，我認是輕視直覺，而這份直覺，就是如何在日本尋得美食的心得！
需知道傳統的日本人有鋪怪癖，好東西都只招呼自己友，而這類好餐廳雖則不會拒絕招待外國人，但因客暈多，也不用爭取外國人的生意；而有中國人駐場的日本食店，多數古古惑惑不去也罷。如上一篇提及的燒鳥黑店，就係有懂國語的侍應生而出事，明坤自已友中國人也！
咁你會問，我又唔識日文、佢又唔識英文，咁唔使去日本啦！最好梗係搵個日本通男友，對於唔識日文，但又熱愛日系飲食加潮流購物的少女係幾咁重要！除非你係鍾情歐美派就無話可說。你睇日本潮人翻譯 Meter Chan 都有權去溝天后容祖兒，憑乜？帶你去日本捐窿捐罅搵食搵 shopping 秘點都冧啦！
至正住家菜！
在大阪第二日再闖「梅田美食橫丁」，在 2 樓發現有日本尋常住家菜 lunch set，只見店內僅八個坐位，由 3 位著得很端裝的日本少婦主理，店外只簡單的列出 3 款是日 lunch set 清單，最重要是海嘯價每位 ¥500，如此格局真係東京難求！甫入去，其中 1 位少婦經已機關槍式掃出一大段日文，事後問番意思，大概問想食邊款午餐、前菜每人可揀 3 款和白飯任添。
結果我揀了汁煮豚肉。
講真，¥500 的午餐我也不寄予厚望，汁煮豚肉份量少，炸豬扒亦非厚切但尚算美味，而這無味精、很溫馨的家庭感覺，久久在心頭。每扒兩啖飯，少婦們便問道是否第一次到大阪？是夫婦嗎？Honeymoon？雖則只是些簡單對答，但情味才是這頓午飯的精神，日本住家菜，真不錯。
沒有留言:
發佈留言
注意：只有此網誌的成員可以留言。