好消息：慧賢雅集一年一度慈善舞會，今年以環保做主題，籌款救地球。
壞消息：大家只係關心慧賢雅集中，邊一位港姐係變性人。
前兩日去咗慧賢雅集的慈善晚宴，在灣仔君悅酒店舉行，和朋友聊起，先知記者不停問班港姐估邊位係變性人。
想知邊位港姐係變性人？繼續留意《東方新地》應該有爆炸性答案，至於這些舞會的內容，有乜玩同有乜食，娛記未必知，等我話你知！
入場時已經分好晒坐位，有埋名添，我同桌名人就有唔再跌膊的海潮(溫碧霞)。
- 溫碧霞當晚著上吊帶晚裝裙，無得回味她跌膊媚態！
我坐在 Head Table 後面，估下呢位在我前方、穿綠色 tube dress 的重要人物是誰？
- 睇真 D，唔係講背脊呀......係髮型......不規則粟米曲，富 volume 又得意！
就係今年度慧賢雅集主席莫可欣小姐，仲上台獻花予今次舞會的 Gold Sponsor ---- 9 Concept 的 Dr Terry Pang 及夫人，佢哋係我人生中 mentor，做生意超叻，每次一齊食飯等同袋錢入我袋。可惜現場唔見莫可欣老公型男方中信！
- (左起) Dr Terry Pang、Peggie Chu、莫可欣
台下衣香繽影，因為以環保為主題，house color 自然係綠色，連食物都以環保為概念。
- 今次自己動手化妝和 set 頭，無揾朋友幫拖，效果都幾滿意吖！
9 點至開始上前菜，超餓.....是烤豬腩肉和鵝肝，yummy......but 膽固醇指數標升，從來人間美食都係唔多健康！
- 麥嘜：「仲有最靚嘅猪腩肉！」
- 煎至外脆內軟的鵝肝，入口勁 juicy，但我怕膩，只淺嚐了一口就俾埋隔離嗰位！
全場最靚係坐我後一枱的趙雅芝，真係唔敢想像如果我到呢把年紀都可以 keep 得咁靚，就真係今生無恨！
- 趙雅芝的皮膚質素和身形鬥得過近幾年港姐，真係估佢唔到年屈 50 中，真係要請教邊度買防腐劑！
之後上湯，是貼合環保主題綠色，見到起晒泡，心諗咩嚟呀？
- 已經餓咗咁耐，唔解 D 湯似洗面泡沫，毫無質感嘅？原來係忌廉味。
主菜係魚塊或牛柳，不若而同灑上綠色香草粉沫，睇落係咪環保 D？
- 呢兩片翠綠草披是魚呀，灑上的香草賣相特別，入口肉質滑溜。
- 全晚最讃是牛仔柳，肉味極濃，而且非常腍滑。
之後繼續拍照，成班港姐就同主禮嘉賓曾鈺成議員合照，期間進行慈善競投，包括一支紅酒、一隻 Ferragamo 錶，及一隻 Piaget 戒指。
- 身穿白裙的黃愛倫最省鏡。
大會仲搵到服裝 sponsor，所以當晚有好多位港姐都著到好誇，仲係我最鍾意嘅 3D 、asymmetric cut！
最後仲見到我合作過的名模當中，最優雅兼討我歡心的蔣怡！
- 好在 Coco 叫我坐低合照，才不至電燈柱掛老鼠箱情景出現！
全晚最精彩係李思捷扮 「十大天王」唱腔，唱足十首經典歌仲跳埋舞，真係勁似，不過我都係鍾意睇「Sat in the City」多 D。
- 李思捷扮衆歌星神髓唱 medley 最 funny，我睇得好鬼開心，佢扮城城和譚校長唱腔最似！
沒有留言:
發佈留言
注意：只有此網誌的成員可以留言。