「食極唔肥」，唔再係奢望！
麥玲玲師傅由大碼變細碼激減效果有目共睹，瘦身唔瘦胸確係勁，啱啱睇咗本飲食雜誌報導師傅除咗靠做減肥機踢走脂肪，原來係靠一款食物 keep 住體重唔反彈，就係蒟蒻麵(即是魔芋)，唔知大家有無留意到呢？內容真係超吸引，忍唔住要即刻跟進。
- 勤做機加食得有法，師傅兩個月減咗 24磅，請鼓掌！！
其實我早前逛莎莎都有留意到呢款日本蒟蒻麵，但忍手無買，因為覺得價錢稍貴唔抵食，索價 $38/包，但當知道玲玲都開金口大讃，即刻要買嚟試吓先！
(日本蒟蒻麵： 原價 $38/包，依家有特價 $57/2包， $171/7包...莎莎有售)
等我即刻 check 埋日本嗰邊價錢相差幾多先：每包賣 294 円連稅，以現在兌換率 8.5 來算，即是港幣 $25/包，所以喺莎莎一定要買夠兩包，攞個特價，與日本相差就只是幾蚊。
- 蒟蒻麵有好多口味：柚子胡椒、咖喱、辛辣泡菜、醬油、鹽味和味噌。
呢包蒟蒻麵有乜咁特別？
1) 日本製馨香D(國內製會驚係假麵)
2) 超低卡路里，每包只有 27-69 kcal，視乎味道(一個漢堡包都500幾 kcal啦)
3) 蒟蒻麵由非基因改造的豆腐及豆乳製成(感覺天然D)
4) 仲加入 1,000mg 膠原蛋白美肌成分(豈不是令皮膚更有彈性！)
5) 睇埋標籤：不含飽和脂肪和反式脂肪(食得健康)
最讃煮法極容易，根本唔使用明火或微波爐，只需熱水同一隻碗，啱晒 office 上班一族。
即睇示範：
- 內有蒟蒻麵一包、醬油、柚子胡椒醬、乾葱。
- Step 1： 倒走麵袋內水分，置在碗中。
- Step 2： 注入熱水，泡熱麵絛約兩分鍾，倒走水備用。
- Step 3：注入熱水將調味醬拌勻即成湯底，灑上乾葱，製作超簡便！
估唔到咁好味！
我揀咗曾經斷貨即最熱賣的柚子胡椒味(卡路里亦係幾款味道中最低...27kcal)，湯底好清，一滴油都無，有好微柚子香味，但完全唔覺胡椒味，感覺清新討好；蒟蒻麵外形似稻庭烏冬，但口感則非常爽口彈牙，又滑溜，食唔停呀；本來覺得無餸有 D 齋，點知附送的乾葱仲香過新鮮嘅，拌麵一流！
我總共食過 5 包蒟蒻麵，當日都會特別「暢快」，不知是否因為纖維含量高，也不知是否剛剛遇著啱啱呢？！
絕配「超油切」綠茶
除咗食超低卡蒟蒻麵外，我仲會飲埋絕配「超油切」綠茶，即係小S 以超娘造型賣廣告嗰支，零熱量、無糖、無香料、無防腐劑，仲有菊苣纖維和茶胺酸促進新陳代謝，綠茶更可以抗氧化，一句講晒：健康瘦身萬歲！
- 台灣入口「超油切」綠茶，聽個名就知 target 想瘦身一族，入口唔知點解有微微花果味，好飲過「道X」。$8.9/莎莎
- 小S 身形係 fit，但造型超娘賣「超油切」綠茶廣告，爆笑！
雙劍合壁，瘦身無敵，大家不妨試吓啦！
沒有留言:
發佈留言
注意：只有此網誌的成員可以留言。