身邊朋友都知，我有偏食習慣！向來好唐餐不好西餐。今次破天荒介紹呢間隱蔽意式餐廳俾大家，因為真係平靚正「十個得」！
位處北角城市中心後面，唔近地鐵站，開業約一年，相信非區民都唔會知有呢間食店。外表其貌不揚、內裡裝修超簡潔，賣的是真材實料，廚師是前文華酒店工作多年的大廚，亦是這店老板，質素當然有保証，我幫襯過 5 次，包括繁忙時段和宵夜時段，水準都一致的高上，証明落足心機煮，不會粗製濫造，加上價錢很大衆化，所以斗膽叫大家去試試！
慳妹上身教埋大家食得最精明方法：
9 點後全單 8 折；
晚餐時段叫滿 $120 送多杯飲品；
套餐前菜、主菜連餐飲，比起散叫慳約 20%。
我每次去必點 pizza，是正宗意式做法超脆薄皮，最讃鋪面醬汁分量剛好，唔會太濕又唔會油淋淋。
- 今次點咗夏威夷 pizza，都係上次個海鮮 pizza 正 D！
另外，此店最耍家是意大利粉，口感保持煙韌有彈性，最怕腍同埋撻埋一嚿；芡汁分量和味道配合得天衣無縫，如蕃茄汁是鮮製絕非罐頭茄膏，甜中帶微酸很醒胃；忌廉汁有磨菇香味，濃度適中，越食越上癮唔會覺膩；配菜如蝦及帶子雖則 size 唔算大，最緊要新鮮爽口無腥味。
- 鮮蛋麵是自加製的，很有咬口！
- 天使麵索晒蕃茄汁，勁 good！
這店的墨西哥雞中翼是我 favourite，秘製醃料配以慢火烤熟，表層惹味，內裡保留肉汁非常 juicy。
前菜煙三文魚配新鮮生菜，最好味是個酸汁，菜也爽脆，反而主角煙三文魚味道一般。
烤豬肋骨是斬件上非一排過，肉質唔夠嫩，醬汁味道亦只屬中規中矩，有待改進。
其實這店甜品也做得很出色，尤其係朱古力心太軟，可惜肚皮唔爭氣放不下，下次食埋你！
今次九點半食宵夜，埋單折後合共二百多元，真係媲美文華質素但只需小店價錢！
Pizza & Pasta House
北角和富道 2-8 號地下 A 舖
電話： 2806 0869
營業時間： 12:00pm-3:00pm / 6:00pm-11:00pm
逢星期二休息
沒有留言:
發佈留言
注意：只有此網誌的成員可以留言。