睫毛係女性命根，少一絛都嫌多！
相信妳都曾經為甩掉一條睫毛而心痛過。
我最傷心經歷都係怪自己貪靚，走去植睫毛，仲要揾著間唔人道嘅美容院，幫我整交叉重疊法，還哄我這種植法會令真假睫毛看似更融為一體和更濃密，結果新長出來的睫毛根部被強行扯住而斷落，欲哭無淚呀！！
從此，我更認為應學懂愛錫睫毛，但...其實每日又要夾鬼佢、又要搽嘢撑起佢、卸妝又勁捽佢，把口話唔想傷佢，行動上卻是無法配合。
睫毛在各類毛髮的生長周期中是最短，平均壽命只有 3-5 個月，需經過生長期(１個月)、休眠期(3-5 個月)和脫落期(３-5 日)的循環，所以感覺上睫毛長得很...很...很慢呢！
睫毛稀少、短小、易折斷有乜解究方法？護睫等同護膚理念，方法是搽滋養品細意呵護，雖則無話包生仔一定得，但逐步改善兼送個希望，也就樂於嘗試吧！
過千元一支的睫毛修護液，在此無謂介紹了，還是實際點，推介平民化價錢的 best buy，讓大家有機會試試美睫吧！
- Zino 最新加強版睫毛修護液，晚間塗在睫毛根部，或於塗睫毛液前作打底。 $198
中價推介：
Zino 長濃睫營養液
呢個牌子嘅減肥液和「2星期速長睫毛精華」我都有買過，講真後者是用完再買，我家姐都係忠實擁躉，6 月即將推出加強版梗要率先試，已有內部朋友轉贈給我，試了一星期趕及報告成效俾大家知。
叫做長濃睫營養液，名堂好似好勁咁，標榜用足 7 日間比起舊支裝可濃密豐盈 5 倍；而美國研發的 24 小時「注養」技術貫注營養精華「Arginine精氨酸」是賣點，可以有效強化角質及刺激睫毛快速生長能力咁話，說明書梗寫到眉飛色舞，最緊要係親身試過，用後睫毛會泛起光澤、堅挺咗無咁易斷落，舊裝用得耐見証到睫毛有增長效果，新裝這點需要更長時間才可引証。
- Loreal 早前首次推出睫毛修護液，刷頭上佈滿著白色的小絨毛，容易沾附在每根睫毛上! 約$128
低價推介：
Loreal 賦活新生睫毛生長液
我已經試咗呢支睫毛生長液兩個月，早晚都用，《女人我最大》節目亦有介紹。會在上睫毛液前作修護打底，而睫毛經過滋養後，妝效好似有光澤；夜間刷拭在卸妝後的睫毛上，讓賦活氨酸成份供給睫毛養分；最特別是可用於眼皮位置，將刷頭尖端如畫眼線般塗抹於睫毛根部，含有積雪草精華促進膠原蛋白，有助眼皮增強對睫毛的支撐力，及延長毛囊的生命週期。
用後感覺是我天生柔弱的睫毛較以往強韌，不易折斷；價錢又平，絕不心痛，值得為心愛睫毛搏個番身機會；加上是 Loreal 品牌，個人特別支持，因為佢幾款睫毛液較其他貴價品牌更出色，也是很多化妝師實戰必備妝品。
超抵價至愛：
我還試過好天然嘅方法，就係將護膚勝品橄欖油塗在睫毛根部，上下睫毛都得，滋養豐富的脂溶性維生素 A、D、E、F、K，相信可以減少折斷和助以健康生長，超慳錢美顏法呢，大家不妨試試！
- 堪稱萬用橄欖油，除煮食外，仲可以護膚...作護唇膜、髮尾油、睫毛修護液等等呢！
另外，每晚睡前將凡士林塗在手指上輕輕為睫毛搓揉，有助滋潤睫毛，加強修護，減少因乾燥而斷落，所費無幾，而重點在於要持之以恆呢！
- 凡士林應用範圍同樣廣泛，bb 嬌嫩肌膚適用，大人肌膚乾燥痕癢、敏感、灼傷都啱用！
Tips：在剛卸完妝皮膚還有點濕潤時，此刻的睫毛是最脆弱，所以睫毛生長修護液應把握在這時間擦上，效果會最好!
沒有留言:
發佈留言
注意：只有此網誌的成員可以留言。