在台灣西門町昆明街有兩間打對台的牛肉麵店，一間是 2005 年牛肉麵節名列前茅的「牛店」，對面就是 2006 年列名第一的「老董牛肉麵」！「老董」是用台灣本地的新鮮黃牛肉，並用上牛大骨頭慢熬甜而不膩的湯底，以牛肉油豆腐細粉聞名。
我兩間都有幫襯過，卻偏好「牛店」，所以前幾日托好友 Miffy 於遊台後帶俾我做手信，重温台灣美味！
曾看過電視台專訪，「牛店」老闆本來是做西餐的，經努力專研自創牛麵。店舖經常人氣旺盛，點解有如此懾人魔力？其牛肉與湯底真係一試難忘，香港設有的「台灣牛肉麵」、「大婆牛肉麵」都要靠邊企呀！
台灣牛肉即是牛腱部位，這店所做的一片片完整無爛，非常軟滑，入口會即時溶化，包保牙力唔好嘅老人家都可以品嚐這美食；搭上牛味極濃郁卻十分清甜的清燉湯，絕不油膩真是很美味；麵條很有彈性，有細麵與寬麵可揀，個人較愛前者，可以吸盡湯味精華，後者略嫌麵粉味重。此外，還有酢醬麵、集齊牛筋牛肚等的滿漢牛肉麵，還有特色老闆獨門辣醬、牛骨髓製辣油。
最重要當然是設有真空包裝供外賣的超貼心服務，否則我又怎可身在香港品嚐台灣獨有美食呢！
- 「牛店」真空包裝的長龍牛肉麵，有湯包、麵絛、牛腱，本應仲有葱和炸菜...俾好友 M 私吞咗唷！
- Step 1： 用盬水煮麵 3 分鐘，然後倒走水備用。
- Step 2： 將湯煮熱，黃色方形是精華牛油，會慢慢與湯溶和。
- Step 3： 將牛腱放置在碗中，無需預先加熱。
- Step 4： 最後是將滾湯倒入牛腱與麵絛碗內，拌勻即趁熱食呀！
- 大功告成！美味的空運台灣牛肉麵！(約140 台幣/小碗)
湯一喝就知道熬了很久，口味不會太重、也不會太鹹，是結集了非常濃郁的牛精華；之後我仲將湯底用來煮菜食，超 good 呀！
多謝 Miffy!!
牛店：(02)-2389-5577 台北市昆明街 91 號
沒有留言:
發佈留言
注意：只有此網誌的成員可以留言。