好嘅美容產品可遇不可求！
呢兩日會推介幾款於家中勝出的新舊混戰護膚妝品，絕對是心水之選。
我的神仙水
Zensation 水凝玫瑰爽膚露
水凝玫瑰爽膚露，成分天然，有助舒緩敏感肌！ $280 / 120ml
假若出暗瘡嗰陣子我會用 Clinique toner 2 號，控油掂仲有助殺菌，不過因為感覺較乾，唔會長期用，即係有事揾「鍾無艷」嗰種。真正最得我歡心嘅「夏迎春」就係呢支神仙爽膚露... 由於 Zensation 是瑞士製別具信心，此 toner 含有公認天然美肌最 work 的保加利亞玫瑰水及蘆薈精華，加上令肌膚增彈性的膠原蛋白是極細分子易於滲透，佢唔止氣味清新討好醒神，拍上後會 feel 到皮膚即時好軟好水，就連台灣彩妝大師古小偉都讃，他仲教咗獨門秘方，於上妝前使用可令妝容更貼更持久，即睇示範：
古小偉老師教，潔面後先以按摩手法輕拍玫瑰爽膚露於全面連眼部位置。
加強滲透妙法：將潔膚棉滲透玫瑰爽膚露，數於面上 待3 分鐘，有助加強鎖水及補水，令肌膚更飽滿，往後妝容自然更貼服又剔透。
之前周慧敏在 Shiseido Revital press con 都有教過呢種DIY 急救面膜法，我都覺得唔錯，心諗保濕之餘，係咪可以做埋收細毛孔功效呢？！頭髮正在焗油中，同時間敷玫瑰 toner mask，一次過修護呀！最開心係每次買呢支 toner 會有 10 包 samples 送添！
家中專業眼部護理
我成日都話最搞唔掂係天生黑眼圈，搽乜嘢都係治標唔治本，但亦唔代表我會就此愛理不理喎，反而要更愛錫！由年幾前開始，我每星期有幾晚都會拎住呢支仿如扭曲咗嘅筆，掂住自己眼部四周位置，起初屋企人以為我傻咗，後尾知道係好嘢，家姐都攞嚟用，佢話橫掂睇電視對手又無嘢做，不如順便護理吓都好吖！
呢支就係家用版 Mini Wrinkle Laser... 去皺筆，利用 bionic wave(仿生法)活躍細胞，刺激皮膚膠原蛋白和彈性纖維，以達到去紋目的。我知「功欲善其事必先利其器」，但都要配合強效的導入精華液，才可達致最佳成效嘛，我會使用同樣主攻去皺的精華，雙劍合壁！
Neige Care Mini Wrinkle Laser 手提式去皺美容仪器，要配合導入精華液在面上有皺紋部位使用。$180
我試過幾款去皺精華液配合呢支 Mini Wrinkle Laser，結果最好效果都係用 Zensation呢款極濃緊緻精華液，因為有超高濃度去皺成分三胜肽，可以修補紋理，增加飽滿感；我亦會將此精華取 2 滴混入粉底液中，感覺更潤，無咁易起乾紋。 $580/30ml
使用方法：先於眼周塗上去皺精華液；然後手指要觸及筆身銀色位置，當筆頭掂到皮膚便會亮燈，代表正運作中，於眼周每相距 1cm 停一停待 15 秒，上下眼皮由內到外如是，虎紋位亦可，可以促進血液循環，刺激膠原蛋白，每次完成後特別心安理得啊！(建議每晚使用)
金鐘西武百貨
或
尖沙咀 LCX 有售
沒有留言:
發佈留言
注意：只有此網誌的成員可以留言。