去日本行街的首要任務，唔係亂使錢搞到褲穿窿，而係應該發掘香港冇的產物。當然，「香港冇」這三字在全球一體化運行下，幾乎冇可能實現，但若然買到「香港未 hit 但必然快 hit」的滿足感，也是賞心樂事。
訪日尋 Kitson！
今次訪日頭號目標是 Kitson，它是首個 LA 品牌駐日，剛開設了專門店，就連 Tokyo Girls Collection S/S 2010 也有行 show。
打從大阪開始，已經留意到很多潮人用 Kitson tote bag，名你未必識或聽過，但全閃片配螢光色系 logo，離遠睇已經閃到爆燈，本來冇諗過必買，因為自己知自己事，向來獨愛孖 C logo，心諗就算買咗都唔知會唔會用，姑且放佢一馬。直至在自由之丘的名牌回收店見到居然收 Kitson 、同有二手 Kitson 袋賣，當晚立即上網 check 下來自 LA 的 Kitson 究竟有幾勁！
結果 search 到 "Kitson" 是 LA 一間普通 select shop ，此袋是其自家品牌，話佢普通因為我再打電話問住在 L A 的 designer表弟（佢曾做過連卡佛都有得賣的 Band of Outsiders 設計師），佢都話冇乜特別，至多係有班明星、名媛如 Paris Hilton、Victoria Beckham、Lindsay Lohan幫襯，自此經常有狗仔隊捕在門外「辣更」等星。
網上有勁款！
講真 Kitson 店的貨唔係特別，去官網 www.shopkitson.com 可以一窺究竟，而且仲可以郵購到港，離不開售賣一些名牌如 Marc Jacobs、D&G 等。反而其自家製作的袋就真係帶點心思，閃片撞熒光色 tote bag，仲有向 Chanel Cocoon Bag 致敬嘅夾棉款，絕對係融合潮流元素，加上售價唔貴，每個才港幣$500 - $600，用一季都抵。
《女人我最大》點名撐！
搵完料本來就算，點知睡前睇埋台灣節目《女人我最大》，嘩，連台灣 Hermes VIP、主持藍心湄都力煲 Kitson 袋為今季必買。用完即棄都唔傷荷包之外，相信很快會 hit 嚟香港，立即挑起條筋，非買不可。第二日晚上 8 點機就走，得番大半日時間，誓必要帶佢返港！
(留意6:20開始介紹 Kitson 袋)
即場掃走兩個！
結果行勻成個新宿都搵唔到喎！明明記得自己曾經在東京睇個呢個袋，點解記憶力會突然衰退，一點印象都冇！？直至下午五點半先醒起 (六點要在新宿站西口上車往羽田機場，咁早去羽田因為要買羽田限定日本小食、糕點回港），原來在新宿激安之殿堂睇過！嗱嗱臨衝去 6 樓「名牌層」，果然有一大堆 Kitson 袋，再望真一點價錢，¥6,000 /個有找（$500咋！），二話不說即買 兩個，買滿 ￥10,000 仲即時做埋退稅。當手信送俾好友實冧！
雖然買得急一點，但買完都冇後悔，事關拎上手真係好搶眼，完全冇一種拎 cheap 袋的感覺！如果睇完覺得靚，又想跟我買，去 Kitson官網網購啦，有部份款式仲做梗特價添，當然，連埋運費就冇我個價咁抵，但作為今季的 "It Bag"，抵玩！
睇開我個 blog 都知，臨尾梗有料爆，其實香港已經有 Kitson 袋賣，同上文同款唔同色的賣 ＄795 個，比日本、美國甚至台灣都貴，不過該店 member 有 85 折。或者你知邊度有得賣，唔知？歡迎你留個言問我，我 PM 你知。
沒有留言:
發佈留言
注意：只有此網誌的成員可以留言。