較早前在 blog 推介過的Estee Lauder Re-Nutriv 白金級遮瑕膏，早已說過要 waiting list 才可擁有，估唔到有人留言話我知依家仲要等，真誇張！
其實 Estee Lauder 仲有一款產品甚值得推介的，它不屬於品牌高調宣傳的皇牌 item，但真係非常好用，就係 Nutritious Vita-Mineral Lip Treatment，是修護唇部的透明啫喱，非常潤澤，搽後扮晒性感玻璃唇，好 sexy... 唇彩都慳番！
- 呢支潤唇啫喱真係好正，有礦物又有維他命修護，好補水又可以即時撫平唇紋，厚敷過夜當埋唇膜呢！約$200
- Before：嘴又乾又見到紋，真羞家！要好好再護理喇。
- After：塗上潤唇嗜喱即時變豐盈玻璃嘴，乾紋都消失！
又有新品推介！我試咗佢哋最新出的超補水孖實... feel so good，當然要介紹吓啦！水份對於老中青肌膚皆不容有失，所以我於美白同時會特別注重補水，至怕乾紋浮現嘛，但御用皮膚科醫生話我肌膚皮薄鎖水力弱。想補水更想鎖水，當然要一試此標榜高科技「補水王」...
Step 1：先築起鎖水屏障
水漾活肌修護精華
先要讃吓自已...張相影得太美喇！講番正題，憑乜聲稱可為肌膚鎖水？都相當有趣和具邏輯性：巴爾幹苣苔是一種植物，在嚴重缺水極旱環境下會變得乾透，一遇水便復活再生，呢支 serum 就係以這植物萃取研發皮膚鎖水屏障。
此 Serum 質地很水及透薄，非常易推及易吸收，塗上後輕按即能令膚質變得軟滑($630/50ml)，之後仲要靠佢...
Step 2：後貫注源源水分
水漾活肌深層補濕霜
同一個 series，具超級濃縮強效補水成分，標榜用後24 小時肌膚水頭充足，計我話最緊要係成效和感覺。先搽 serum 再搽佢，本以為會泛起一層油脂膜般才能做到鎖水，竟然無反晒光油立立，真係有 D 驚喜，塗後感覺吸收得很好且很舒適，之後再搽具防曬的 BB Cream 都無增加油脂分泌，真係極啱依家咁熱嘅天氣，唔怕會出暗粒。連續早晚搽咗兩星期喇，呢刻至寫 blog ，因為皮膚乾中帶油情況得到改善至推介俾大家呢！($420/50ml)
請大家欣常我嘅傑作：我幫紙版人化咗個靚妝，個嘴係咪好 sharp 又 sexy 呢？眼窩有層次色調吖！就係用咗以下 Lauder 7月登場妝品，全部新色晒冷好震撼。
除咗補濕，我一年四季都愛加插美白肌膚環節。於彩光後相隔一星期，就可以間中配合塗維生素 C 精華素，緊記於晚上才使用，因為維 C 會吸光。當中試過的品牌有 Skin Ceuticals、 Bicelle、Cellbone 等等。論至愛推介是Mario Badescu... New York 牌子，最出名係抗痘精華，而它的 Vitamin C Serum 其實都好得，可均勻膚色、淡斑，加入透明質酸補水，更有很多天然成分修服細胞，增加彈性。很多人都怕美白產品會乾，呢支不但唔乾，搽上面即時感覺油油哋，因為含有薰衣草油，跟住待 1 分鐘就會吸晒，皮膚很爽滑，非常特別！
- 維生素 C 濃縮抗氧化美白精華素 $480/1oz，有 7.5% 純維生素 C、透明質酸、人參萃取液、蘆薈凝膠等，標榜可防止及鎮靜敏感。(兩間 LCX 及金鐘西武有售)
- BuBeBu 你夠白喇，咪搶我支 serum 啦！(用 3 滴精華足以塗全面)
沒有留言:
發佈留言
注意：只有此網誌的成員可以留言。