出咩工具書有 noise 又賺錢？
近年叱吒書展當然係乳模寫真集、屋企附近報檔哥哥仔就話玄學風水書最好賣、書局負責人則謂教人養生療法的長期高踞熱賣榜。
約 6 年前有位做美容記者的朋友，膽粗粗唔撈走去自資出美容書，第一本教人瘦身，大賣；第二本講 DIY 護膚，又掂，即時儲夠錢開飾物店！但依家競爭太大，好難再有呢支歌仔唱，所以早前被邀為某美容書撰寫文章，當然二不容辭，沒有銷售壓力又可分享扮靚心得，作為紀念也好，6 月出爐，期待！
回正題！今次想推介大家睇最新推出的化妝書，是我極為欣賞的星級化妝師 Kenneth Wong 第二本著作。他做事有 heart 唔會兩眼' $'，容易相處唔擺架子；彭浩翔形容他「開到荼靡的華麗，亦艷亦純。要是共事過，便會驚訝他的多面性格，既入俗，又出塵。」
- Kenneth 3年前首本著作《華麗緣》，封面仔細看原來是褀袍。
知道 Kenneth 為咗今次《拾妝》化妝書籌備了大半年時間，當然要買番本支持，第一眼見到封面覺得非常 eye catching，名模蔣怡個妝好 fresh；此外亦由於幾年前與她經常合作影 styling，對 Coco 留下很好的印象，她說話超級斯文温婉，態度極友善，真係男女都冧。同類人！怪不得與 Kenneth 咁投契，義不容辭助他的化妝書一把。
- 《拾妝》 $138/各大書店有售
《拾妝》有强勁攝影班底，富藝術美感的相片絕對值得欣賞；示範女模出眾，蔣怡、莊思敏、Mikki Yao、Kelly Fu等被塑造創新形象，一見難忘；主角當然是 Kenneth 詳述化妝秘技和實用性攻略...
想睇？但又唔知值唔值得買？不妨衝上 Kenneth 間 makeup school 攞嚟揭吓。哈！相信Kennth 唔會介意呵。
- 李惠敏 Amanda 仿效 80 年代阿梅經典紅唇烈燄妝。
- 名模 Janis Wong 一人分飾復古與型格妝效。
- 點樣上粉較貼、遮掩瑕疵、畫大對眼？睇吓咪知！
- 多謝晒！
沒有留言:
發佈留言
注意：只有此網誌的成員可以留言。