去旅行食買玩故之然happy，買手信送俾讀者原來仲happy呀！
我上個星期blog文「台灣之旅送禮品 《vol 1》《vol 2》」，兩篇post吸引接近一百人參加，大家反應好熱烈，留言寫得好有心思，相信真係好鍾意我揀選的心水護膚妝品，不枉我出心出錢出力，好安慰.....haha！
我都用足心思挑選咗好耐，真係兩難，恭喜以下各位得獎者，即使今次揀唔中你，都唔使失望，仲有Amway送過萬元精華及面膜遊戲未公布，可能係你呢！
此外，大家記得我韓國之旅嘛？我在Facebook答應會再買手信送俾讀者，講得出當然做得到，請留意我稍後出post啦！
請以下各位得獎者，用留言中的相同電郵，將你們地址告知我(yokotsang@gmail.com)，以便安排將禮物送到辦公室或府上。(預計兩星期內收到！)
------
禮品：L’EGERE Whitening Anti-dark circles Eye Roller
「Hello Yoko,
我想要”日本 Naris Up 美肌大師黑眼圈遮瑕組合”。
我覺得Yoko好似知道我心入面諗緊咩，因為我昨天剛剛在諗，我對熊貓眼非常厲害，我想買d 遮瑕來遮遮佢，佢諗緊買邊個牌子好。點知今早一看你的blog, 就看到你送黑眼圈遮瑕組合，真是夾都無咁”橋”。
我既黑眼圈真是超過國寶級，連之前結婚試妝時個化妝師都話做咩我對眼好似俾人打瘀左咁 >_<, 所以平時唔化妝，但點都會搵d野遮遮佢，出街睇落都無咁
"國寶"。仲要有齊深淺兩色遮瑕於一身，一盒照顧曬我既需要。加上Naris Up 美肌大師黑眼圈遮瑕組合有分子釘成分可以為我對有幼紋既眼仔提供深層保濕，護膚同時化妝，what more can you ask for! =)
但最緊要係Yoko你介紹，有信心保證! (d 護膚品應該加多個"Yoko 100% Guarantee" 既印上去，咁我地出街買野就放心得多 哈哈)」
禮品： NAF-METO 濃黑持久眼線液
「Hi yoko 等左你幾日 終於有新update啦^^
一打開見到有幾十個留言 又知道有好野了！^^
首先多謝yoko你大方送禮 ^^~~
雖然我黑眼圈問題都好嚴重 但今次我反而希望得到”NAF-METO濃黑持久眼線液“因為自己其實岩岩先開始化妝 我本身眼睛不算好細 所以一直都係想畫內眼線 買左好多人都推薦既gel liner 但係我用左幾個中就溶晒啦：(搞到男朋友都笑我變左魔盗王個johnny deep…實在好苦惱用咩product畫內眼線好 所以希望可以得到呢枝眼線液 畫返條靚既內眼線 擺脫johnny deep既陰影！！！thanks^^」
禮品：日本 Naris Up 美肌大師黑眼圈遮瑕組合
「HI YOKO!!! 今次又有機會得到你精心挑選既產品,希望可以抽中啦,前幾次都無緣>___<,有d就太厚,搞到眼紋出哂黎!!影相果陣,遮左好似無遮咁…
我知道有d品牌開始出幾個顏色既遮瑕膏,亦見到好多化妝紅人都用,所以我真係好想試下!呢盒除了有深淺遮瑕膏之外,仲有定妝粉, 一盒就可以搞掂,真係好方便!!而且仲有多種維他命護膚成份,保護脆弱而柔嫩既眼部肌膚,化妝同時護膚,我真係好希望今次可以試到啊! ^_^
最後多謝YOKO大方自費送出!!祝你個blog日日都勁多人,遲早做香港美容達人!! ^0^」
禮品：泰國 YOKO Yogurt Spa Milk Soap
(共兩盒)
「Hi Yoko,
這個YOKO Yogurt Spa Milk Soap, 是你的品牌噢, 正呀!
我想要這個的原因是這個等同做MILK SPA, 做SPA或沖牛奶浴對我來說太奢侈了, 但用這個就可以一嘗SPA 的效果, 而且洗完後不用再搽lotion, 對於我極乾燥肌膚, 再搽lotion效果一定無得頂!
另外, 包裝也非常可愛呀!」
得獎者：Cat Hui (獲贈一盒)
「Hi Yoko,
我想要係泰國YOKO Yogurt Spa Milk Soap (e! 而家先察覺到又係叫Yoko xd)
因為秋天到喇, d手手腳腳開始好乾呀, 我想試下用左佢可以有幾滋潤, 用左係咪真係連body lotion都唔駛搽先?!
我成日都係撻左落床先醒起唔記得搽body lotion, 最後因為太懶就不了了之…第日起身dry到呢=口=”」
禮品：美國 envie de neuf 白金淨白保濕面膜
(原本送兩片，現加碼共五片)
「由於E排工作比較忙碌，要知道香港人係要OT同OT呢，唉。放工回家已經好累，又要照顧女女，又要照顧埋大少爺，忙到不可開交呀！夜晚搞掂晒家頭細務，已經冇咩精力去打理皮膚，草草的抹一抹就完事。有時更加要外出工幹，飛黎飛去，對皮膚更加欠缺照顧！直到某天晚上，凝望著鏡中既自己，驚見自己累得暗啞無光的膚色！摸摸臉蛋，臉頰竟然開始有D鬆了！好想要美國 envie de neuf 白金淨白保濕面膜，係得獎產品而且YOKO又推薦，一定要試下！見佢裡面仲含有白金，咁珍貴咁特別既護膚成份，可以抗衰老及緊緻提升！同埋呢，因為我同大少爺5週年喇，想再去影結婚相，留住倩影，所以好想擁有envie de neuf 白金淨白保濕面膜，可以為我肌膚帶來滋潤彈透，去除疲倦帶來的暗啞和下垂，令我再自信地穿起婚紗，再一次經歷生命中的奇蹟。希望可以抽中我啦＊」
得獎者：winnie (獲贈兩片)
「想要美國 envie de neuf 白金淨白保濕面膜 !!
嘩, 今次的面膜有白金成份, 我想用完後, 皮膚會水噹噹和會彈吓彈吓
希望有機會試吓,因我和我的好朋友要做姊妹,係11月時的朋友 婚禮
我地都係沒有去美容院做facial, 因很貴呀, 只係屋企DIY
現今次Yoko送出的禮物內有這面膜, 仲要係有2 塊呀,
剛好我和我的朋友一人一塊 ( 嘻嘻, 如果我地是幸運兒的話)
另外介紹的馬油保濕柔膚霜的包裝, 很似我小時候用過的漿糊包裝, 很得意呀」
得獎者：Yu (獲贈一片)
「我想要美國 envie de neuf 白金淨白保濕面膜!
，因為快搭入3字頭，發現皮膚真係比以前差左好多。轉天氣會有乾紋，夏天又成日出油，好擔心！希望呢隻MASK架葡萄醣，三胜肽同白金可以增加彈性抗衰老。同埋之前去完旅行同陽光玩遊戲曬黑左好多，而家真係冇以前咁易白番，希望MASK的熊果素可以幫我美白番！！！
我係YOKO忠實FANS～日日都睇你BLOG架～希望可以得到禮物啦～YEAH!」
得獎者：Terri (獲贈一片)
「我最想得到美國envie de Neuf 白金淨白保濕面膜，次次yoko的禮物都勁多人參加，希望今次可以抽中我。 入秋天氣乾燥加上轉季鼻敏感訓得唔好，皮膚又乾又暗唖，將envie de Neuf 面膜 配合（前幾日介紹Talika light cream booster 立即買，yoko好多介紹的產品，我都好敗家買左！）一定大大急救我皮膚。thanks.」
禮品： CUICU Blush Powder
「Hi Yoko, 你既手信全部都好吸引，但我最想最想得到既係”CUICU Blush Powder”！
我平時懶化妝，出街最多就係bb cream加胭脂。
我覺得胭脂對我黎講係非常重要咖。我既皮膚比較暗啞。
胭脂可以令塊面多o的血色。我平時淨係用橙色。因為我覺得我既膚色唔襯粉紅色。
但今次Yoko既推介CUICU Blush Powder實在太吸引啦，包裝非常華麗同埋淡淡既粉紅色，希望Yoko選中我，可以令我可以第一次嘗試下用粉紅色胭脂，令我既皮膚白裡透紅，增加光澤感。」
禮品： KIDO 娃娃眼線液
「HIHI YOKO，好想試下用眼線液，因為我成日化眼妝都手震震，畫到東倒西歪，搞到對眼好肉酸，又要抹走走再畫過，真係每朝浪費我勁多時間化妝，想訓多一訓都唔得！用pencil畫雖然好方便，但中午就化晒，對眼一啲都唔精伶！好想要NAF-METO 濃黑持久眼線液，佢夠晒幼，得0.1mm，真係點畫都唔會出界！而且仲係防水防汗，持久不脫色，岩晒油眼大汗嘅小妹！眼睛係靈魂之窗，好想每日都有sharp醒shiny眼仔，可以令我係職場上自信十足，每日都贏係畫眼線上！^皿^」
禮品：日本 FUEKI 馬油保濕柔膚霜
「我好想要日本 FUEKI 馬油保濕柔膚霜！因為我知馬油成分與人類皮脂的成份是最接近！而且日本製造，品質保證 ，安心信賴！我想用黎送俾媽媽，佢日日返工做野放工做家頭細務，淨係鍚我地唔錫自己！其實不知不覺患上主婦手，而且又痕又甩皮，有時仲會爪損好痛的！見到媽媽為左頭家咁辛苦，好想鍚返佢！想送「 日本 FUEKI 馬油保濕柔膚霜 」俾佢滋潤雙手，因為馬油可以保濕之餘，還有藥用功效，醫濕疹、皮膚敏感、主婦手都用得！希望主婦手快快離佢而去！而我都會多做家務，等媽媽雙手休息同用多D馬油護理返D皮膚！靚靚YOKO揀我啦！揀我啦！」
***再一次多謝大家參加，以上各位得獎者，記得email你哋地址俾我呀(yokotsang@gmail.com)！
【為核實得獎者身分，必須用留言中的相同電郵傳送，謝謝】
——————————————————————————-
本週《MORE》專欄精采內容：
一次見效 至強去乾紋至尊眼膜
勤敷眼膜乃預防眼部問題加劇主導。具噱頭又具實效之心水推介—-由西班牙博士團隊研發，重點為眼部抗衰老冰療眼膜，及可循環再用眼罩型護膚眼膜。詳情請留意今期《MORE》雜誌內我的專欄。
