2010年7月27日星期二

心水推介 新舊外塗減肥產品

(我的美容專欄, 將於下星期《MORE》面世,更進一步將絕密扮靚心得、 喪食瘦身攻略詳盡分享給大家,Blog上及誌上各有不同介紹, 雙線齊下,保證《MORE》讀者特別靚過人,請多多支持,謝!)

尋日瀨嘢事件,幸而好快平息!
手臂皮膚夠頑強,敏感情況半夜巳經回復平靜。
其實自中六起,用過不下 30 個品牌的外塗瘦身產品,只有 work 或唔 work,極少敏感。
就係因為咁,警覺性不足下忘記了大學年代都搽過 Z 品牌的辣椒減肥啫喱,當時又係搞到皮膚即時紅晒和出粒粒,幸而洗掉後很快便沒事了。
所以揀外塗產品也要小心!

大牌子的 Slimming Products 我最鍾情 Clarins、Biotherm、Alqvimia、MJP。
自中六起至現在,每晚洗澡後塗上,那種習慣換來心安理得,變成毒癮...無止境追捧;真正可以瘦多少,從無實際數字,但感覺上效果還是有的,至少皮膚比起沒有這習慣的滑溜和有彈性,這便是 bonus!

舊有喜愛纖體產品:
貴價---- 法國 MJP Expresslim
一瓶精華素分隔日用及夜用,日間促進脂肪釋放、晚間抑制脂肪積聚,搽完即刻著埋附送嘅纖維短褲,加強精華素的吸收。質地極爽,快吸收,緊緻效果好,但根據其容量而言,確實頗貴,且快用完!

Night :搽淺深藍呢邊!Day:搽黃色呢邊!$720


中價--- Clarins Body Shaping Supplement纖體緊膚濃縮精華
一向有間住用其 Body shaping cream 和 Body Lift,當前年出咗呢款濃縮精華即成至愛,加幾滴混入任何具滋潤、香薰的身體護理產品,即可潤膚,又可完成纖體夢,方便省時,標榜能有效減少脂肪組織的厚度和減少海綿組織。最讃是油狀可以配合按摩手法排水。


一盒有兩支濃縮精華。$500


平價--- Loreal Perfectslim Pro-Massage 專業按摩纖體緊緻精華
另外,我亦會買 D 平價纖體產品,用完都唔棄掉個樽,目的為咗個按摩轆。特別鍾意 Loreal 呢支,先用個按摩轆由下至上轆小腿至大腿,再轆手臂,目的是加速皿液循環,然後至搽任向纖體產品,加強消脂和排水效果。


個轆夠硬淨,乾皮膚轆完會有輕微印痕,但好快散!$150


試用7月上架纖體新品:
近日試用緊的最新產品就係 MJP  Slimsculpt,目標唔係大腿,而係仲難瘦嘅小腿。
嘩!有 16 種成份針對小腿對抗橙皮紋、改善微循環系统、排水緊緻、防止脂肪細胞形成,仲有薄荷成分感覺超爽,為小腿皮膚降温。
返工或逛街帶埋佢出去隨時補塗都得,瘦小腿兼助以舒緩繃緊肌肉!
極喜愛滾珠設計,轆兩轆,唔使用手搽,過程超快呀!
我會特別針對淋巴穴位部位轆來轆去當按摩,有助排水。
$520 (依家有 9 折),即 $468/ 莎莎有售

今日起程到台灣,捐窿捐罅揾特式美容產品推介俾大家,預咗行到腳抽筋,等我帶埋你去爽爽!

http://vipblog.orientalsunday.hk/yokot/

沒有留言:

發佈留言

注意:只有此網誌的成員可以留言。