2010年7月16日星期五

自製美肌 樽裝黑芝麻


(大家睇 Blog 前,還請密切留意《MORE》,我正在籌備最新的個人誌上專欄,將於七月內面世,更進一步將我的絕密扮靚心得、喪食瘦身攻略詳盡分享給大家,Blog上及誌上各有不同介紹,雙線齊下,保證《MORE》讀者特別靚過人,請繼續支持!)
我屋企雪櫃會長駐不同美顏功效的寶物:
衆多品牌的美白、保濕、抗皺 paper mask 和 massage cream mask!
仲有自製的冰凍羅漢果水。
同埋佢...自家製樽裝黑芝麻。
小芝麻多功效價錢平!
愛美的女士... 別小看芝麻這看似毫不起眼的食物,實情護膚健體功效奇多!
何解無啦啦會引發我常食黑芝麻?先講故事一則:
海味店熟客 C 先生幫襯咗近 30 年,每星期都係買黑芝麻,店主終於有一天問道:「點解成日買咁多黑芝麻呢?」 C 先生笑謂:「我每日都會將黑芝麻混入麥皮作早餐,晚餐白飯又會灑上黑芝麻,長期食好有益呀!我屋企老幼都有食,病痛都少 D、人都後生 D。」
嘩!講到黑芝麻等同仙丹,梗係即刻追捧啦。
學揀靚黑芝麻 :乾身、飽滿、色澤黑、無雜質。
咁點解要食黑芝麻唔食白芝麻?
因為營養上的差別。黑芝麻鈣及鐵的含量遠高於白芝麻(e.g 每百克黑芝麻含鈣 1456 毫克、鐵 24.5 毫克;而白芝麻僅含鈣 81 毫克、鐵 8.4 毫克),加上含有較多的粗纖維。所以喝不慣牛奶的,為補充鈣質,可吃黑芝麻。
最重要當然係可以護膚美顏啦!
黑芝麻含有大量的脂肪和蛋白質,還有維生素A、維生素E、氨基酸、卵磷脂、鐵、鉻等營養成分,能滋潤、細致和光滑皮膚;令頭髮黑亮健康。
而含粗纖維更能滑腸治療便秘,加速代謝功能,改善皮膚粗糙。
以節食為減肥的人士,由於營養攝取量不足,皮膚會變得乾燥、粗糙,配合食黑芝麻就最啱喇!
你又可能會驚食得芝麻多,會否易肥呢?
芝麻含有防止人體發胖的物質蛋黃素、膽鹼、肌糖,因此吃多了也不怕;加上黑芝麻主要的脂肪酸是亞麻油酸,這是人體不可缺少的必需脂肪酸,反而有利於降血脂、抗衰老。當然,要食之有法,如芝麻糊烹調時加入大量糖份是致肥兇手,所以我會推介以下健美食法。
自製黑芝麻備用:
黑芝麻先要洗淨和炒熟方可進食。
預備半斤黑芝麻,以清水洗淨待用。(筲箕罅隙要夠密,否則水洗時會沖走晒。)
用鍋/鑊配合小火力烘乾,期間會出水;約 15 分鐘才變回乾身,過程可用匙羹攪拌,試過烘好耐都無黏底,唔怕要「洗鑊甘」。
烘了近 10 分鐘,水開始蒸發,但芝麻仍黏在一起,要見到完全乾身至好熄火呀!
放涼後才將黑芝麻入樽,否則會焗到有水蒸氣,再放入雪櫃隨時食用。
我最喜愛的黑芝麻食法:每日一杯黑芝麻 + 脫脂奶美肌飲品,味更香濃、芝麻有咬口,正!
***緊記:黑芝麻其實也算是中藥,建議少量淺嘗即可... 每天食用一匙,若長期大量進食可能會妨礙腸胃正常運作呀! 一般人均可食用,但患有慢性腸炎、便溏腹瀉者忌食。

沒有留言:

發佈留言

注意:只有此網誌的成員可以留言。