2010年7月13日星期二

率先試 「聲波」潔面美顏


臉部潔淨不足,可大可小!不單會令膚質變差...誘發粉剌暗瘡、暗啞泛黃、角質增厚,更枉費矜貴護膚精華,不能滲透以發揮最大效能。
妳以為早晚潔面、徹底卸妝、每星期磨砂、配合 peeling、深層清潔面膜就做足一百分?
實驗証明仲未夠,每每用棉抹爽膚水仍會見到有些少微黃皮屑,就是老化角質層;又或是卸妝潔面後仍有化妝殘餘遺留皮膚上,堵塞毛孔標暗粒... 都是潔淨不足所致。
有乜辦法?要靠科技... 超聲波就可做到導出肌膚深層污垢。
我間中也會到美容院做這護理,仲成日幻想買個家用版,咁就可常保肌膚潔淨...毛孔暢通無阻...膚質自然轉好,但係眼見小店有售的手提潔臉儀器,個款好似好流咁,所以齋幻想無實行。
出乎意料...
Clarisonic Plus 超聲波潔面套裝:包括洗面機、充電器、面及身用刷頭、3支潔面啫喱,及1支磨砂冲涼啫喱。 $2,100(將於9月Joyce Beauty有售)

終於俾我擁有佢...美國 Clarisonic 家用版聲波潔面儀,早於 youtube 廣泛流傳,深得美、日 blogger 激讃,荷里活明星 Jessica Alba、Madonna 都係用家,勁!
有何法寶?其專利聲波頻率可做出每秒 300 個潔淨 action,仿如輕柔打磨皮膚,使之表皮光滑,淡化乾紋,且有效清除污垢和毛孔內油脂。
大家可能會諗... 用手洗面都得啦,仲免費添,點解要用呢部手提式潔面機先?
看看網頁內的臨床研究:
人手潔面 vs 超聲波潔面機
1) 比用人手洗面潔淨力高兩倍
2) 卸妝效能比用人手高六倍
3) 有助吸收往後護膚品多一半
***從來靠儀器嘅護理效果比人手 facial 好兼持久,我舉腳贊同吖!!
今勻終有極少量抵港,好開心可以獲邀率先試用!9 月才會有現貨抵港呢!
手提潔面機大小如 NOW 的遙控器;手握位有 3 個力度調較其轉動,因應皮膚不同部位。

Step 1: 先以暖水沾濕刷頭。

Step 2: 將任何品牌的潔面啫喱、乳霜、乳液沾在皮膚上,或直接置於潔面刷上。切物使用有磨砂顆粒,會令面部潔面刷受損,身體專用的刷頭則可以。

60 秒潔面 4 部曲

Step 3: 先於額頭左右來回洗刷 20 秒,我會揀中轉數;再於鼻及下巴位置洗刷 20 秒,此時會用高轉數,以深層潔淨毛孔內油脂。

Step 4: 然後在左及右臉各洗 刷10 秒,大功告成。(每個部位的潔淨時間會有響號提示,醒目設計!)

測試潔淨度

用眼線筆畫手背。

以潔面刷停留 3 秒。

潔淨時間未足夠... 已能顯見妝品被溶解淡化了。

用上約 10 秒時間已發揮足夠潔淨力,抹乾後皮膚有明顯的軟滑感覺,堆積的死皮也被刷頭轉動帶走了。

*** 此潔面儀乃防水設計,唔使驚濕用時會電親呀!

另備有身體專用大刷頭,我會主攻背脊和腿部肌膚,其聲波頻率既有助促進血液循環,更能溫和去角質,令膚質更加柔軟和光滑,唔使再靠 low tech 浴棉喇!

[ 瀏覽網址 http://www.clarisonic.com/us/shop/sonic-cleansing-system ]


沒有留言:

發佈留言

注意:只有此網誌的成員可以留言。