I wanna shop! (Vol. 3)

已經有好一陣子沒有推介時裝新店了，因為要搵到一間有 selling point 的新店真係唔易。

我雖然讀時裝設計出身，無心插柳下成為美容達人，然而兩者都係扮靚，都算係殊途同歸啫！

閱報得知美國全球語言監察組織（Global Language Monitor）選出香港成為繼紐約後第二大時裝城市。對，本地業界不停引入國際品牌，觀乎新晉國際品牌近年亦捨東京取香港。

但我近年愈覺在港無甚時裝朝氣，尤其缺乏像東京、首爾、台北的時裝驚喜小店，本地小店經營全靠時裝有心人忍受昂貴租金苦苦支撐。

我不是名媛，買不了幾多件頂級售價超級品牌，所以有時裝觸覺而價格相宜的小店一直是我的 shopping bookmark。既然是 bookmark，我大可隱而不宣，但唯恐我添不夠香油，倒不如公諸同好，夾手夾腳湊好佢。

位處 4 樓...sorry，話明唐樓無電梯，想揾好嘢請行樓梯，我最鍾意 shopping 當做運動！

主色用上粉色調，格局柔和，另一邊是全落地玻璃，很開揚。寸金呎土下，既要款式多又要舒適感，兩者互取平衡，就是我欣賞小店之處。

今次要講的是這間新開業只有兩個月Le Collection。位處中環閣麟街的一座翻新唐樓，這唐樓高四層，一梯一伙，每層面積約五百呎，大門毫不起眼，好易過其門而不入。 

分層店鋪有賣鞋的 Heel's，在銅鑼灣渣甸坊都有分店，來到中環更提高了格調；還有賣手袋與 cocktail dress 的店鋪；仲有一間小畫廊，沿梯間掛上畫作，為大廈增添不少藝術氣息。

店內逐格睇：

呢度最具特式的是 Tailor made accessories，手鈪、頸鏈，戒指，電話繩都可以用英文名打造，雖則咁嘅玩意 N 年前都有...冧女 / 冧仔小技倆，然而這裏找來的廠商設計甚美侖美奐、手工精緻，送禮最啱 feel。

我 order 咗粗手鈪款，勁多色揀，有閃、透明、實色、熒光等，仲可以鑲閃石，很 fashionable！店員謂逢星期二及四到貨，只需一日預訂時間，好高效率呀！

粗膠製手鈪： 無閃石 basic 款 $220、單一英文字鑲閃石款 $360。

另備有頸鏈款，双層半透明或實色設計，仲可以加個心心。鏈可拼合黑或銀色，個人認為黑色更具型格。 $160 起

自戀狂仲可以用自己個名砌積木。每個英文字 $600...係得意，但貴咗 D 喎！

Y-O-K-O...  好在得四個字，一共 $2,400，唔捨得呀！

Chanel？唔係堅、亦非老翻。品牌 W. Dress Room 由著名韓國設計師崔梵石打造，於2009年被韓國傳媒選為亞洲知名品牌之一，親民的售價及高質素設計，啱晒新一代口味，香港有幾間水貨店也有少量引入。

當見到呢個袋即刻為之動容，儘管向來也是 Chanel 的忠實用家，此刻希望 Karl 爺體諒，恕我不忠，要將佢據為己有，為家中 fake print Hermes -台灣 Banane Bag 揾個伴！

除咗經典襟興黑與白、仲有嬌俏可人桃紅色呢！W. Dress Room 布袋抵玩價 $599

See Star 米奇面罩長身 print tee $299

店內時裝全部由韓國空運抵港，店主會每個月親自飛去 1 至 2 次搜罹。我最鍾意係呢件得意圖案 tee，夠長身，可以當 dress襯 legging，不過 cutting 太 loose，唔啱身，所以冇買。

Monday to Sunday lace 袖 玩 Coco Chanel 意念 tee $399

Jimmy 豹紋長身背心 $299

Heart to Heart 白色 lace 露背 one piece $299

加碼童裝：

Daniel Bee Alice in Wonderland BB 衫 $188、媽咪衫 $288

波點 legging BB $109、媽咪 $149

呢度仲有母女裝，唔算多，勝在款式潮，如低浪褲、吊帶連身褲等。

童裝：Pommier 橫間花邊背心 $168 、 牛仔布 裙 $298

好 cutie 呀！BB Bikini set，仲要連帽仔，豹紋 pattern 食正 animal print 熱潮，ruffles 好 lady 啫！$228 / set

Go shopping：

Le Collection

中環威靈頓街 83號 4 樓 (由閣麟街直落)

6682 1380

Mon-Fri 11:00-7:00

Sat、Sun 2:00-6:00
*睇完係咪好想去 LE Collection shopping 先？記得同店員講話係 Yoko 介紹，會有八五折優惠！

***

大家知唔知，新世代最有效的科研美肌成分是什麼？

呢股美肌、養生熱潮於日本熾熱，現於香港蓄勢待發，功效比有「補水王」稱號的透明質酸更勝一籌。

想肌齡逆轉？我追捧的 9 Beauty 皇牌 facial 就有此神奇功效！ 

詳情請留意我在今期《MORE》撰寫的美容專欄啦！

http://vipblog.orientalsunday.hk/yokot/