為咗答謝大家支持我嘅Blog，所以間唔中都會義不容辭傾個筍價facial益大家，希望人人「抵」住靚！
前日，我試咗瑞士 Glycel 過千元的皇牌燕窩 facial，你哋都有份呀，咁矜貴都可以 fight 到個 2.5折超特惠價，真係有咁大隻蛤乸隨街跳啊！
恭賀 Glycel 重生！
瑞士品牌 Glycel 歴史悠久，靠科研活細胞和燕窩回春成份響朵，早陣子獲奧思集團(-H2O+ group)以二千七百萬收購，得以再度活躍，我固之然開心…因正正是這品牌的 fans，以往花咗唔少血汗錢買其產品，如皇牌活細胞眼部啫喱和燕窩面膜！
試 facial 兼 shopping！
昨日專程過海到旺角朗豪坊(分店中至靚景係呢間)，就係要試 Glycel 開波第一炮主打 facial。去得旺角當然要 plan 埋行程，諗住視察 H&M 孖生姊妹店 Monki，去到先醒起 9 月 30 日至開張，現時仍在裝潢中…期待啊！
點解朗豪坊閒日中午兩點幾都咁迫人呢？個市真係咁好景？
等我搭電梯上寫字樓層 45 樓先！
到喇！大家俯瞰眼前無敵靚景係咪好寫意呢？仲以為去咗外國咁爽！
估佢唔到其實係美容房。
我做嘅 facial 起朵...「Philippe Simonin 皇牌膠原緊膚修復療程」，好似好勁咁，即係乜冬冬？睇埋過程咪知囉！
呢部機非常神奇，仲大有來頭！
Mr
透過電波及可變電壓向細胞發出獨特訊號，強化肌膚彈性纖維、促進骨膠原增生，標榜定期接受療程可逆轉肌齡十數載，係咪咁堅先？！我會 keep 住試佢嘅威力。
上面兩個三角形金屬頭是針對緊緻提升、下面那個長形則是去皺紋專用。
潔面及去角質後，於潔淨面上先用電波棒去皺，在每處有皺紋的位置停留若 5 秒，頸部也顧及到，此時手握通電棒，感覺不到有任何痛楚或刺激。
美容師謂很多客人會在這時已睡著了，配合休息效果更好啊！
接著，換上此橫向金屬棒在面上滚動，有助激活細胞緊緻肌膚；之後再於全面連頸部塗上重頭戲燕窩精華(只供美容院用)，並再次來回滚動，目的是加強滲透和修復肌膚。
除咗面和頸，眼部---上下眼皮都兼顧到呀！先塗上活細胞眼部啫喱，才靠電波導入。
整緊乜冬冬？女人湯丸...骨膠原面膜，坊間很多 beauty salon 係用玫瑰花水按壓，這裏落重本，骨膠原紙膜再滲滿骨膠原精華，可唔可以飲呀？講笑啫！
美容師問：「介唔介意面膜敷到落心口呢？」我搶答：「哈...哈...當然無所謂啦，敷埋胸都得呀！」
歴時個幾鐘，終於完成美肌修復過程喇！搽面霜、眼霜，仲有專攻皺紋和鬆弛肌膚的頸部滋潤霜。做完即時 feel 到皮膚很 firm 又充滿水份，且透出光澤感，最愛金屬棒滾動過程，像是為面部肌肉做運動和通淋巴，美容師告知療程後數天... 緊緻、去皺效果會更顯著喎，因為刺激咗骨膠原會自我增生，我超期待呀！
超值試做價 名額30位
原價 $1,680-$1,880，睇咗我個 blog 可以有獨家超值價 $388 試做 ，仲有 3 款俾大家揀添：
1. Philippe Simonin皇牌膠原緊緻療程（原價:$1,680/60m ins）或
2. Philippe Simonin皇牌膠原緊膚修復療程（原價:$1,780/75m ins）或
3. Philippe Simonin皇牌膠原細胞重塑療程（原價:$1,880/75m ins）
***Glycel 旗下 6 間分店都可以去，梗有一間喺左近！
旺角、尖沙咀、銅鑼灣、中環、九龍、沙田。
手快有手慢無呀，只限最快致電預約的頭 30位女性！
電話：2368 1168 (請註明Yoko《MORE》Blog攞優惠)
優惠期：27/ 8/ 2010 起兩星期內
優惠細則：
² 此優惠每人限用一次
² 優惠只適用於首次惠顧療程
² 如有任何異議，GLYCEL Company Limited 將保留最後決定權
本週《MORE》專欄精采內容：
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既譁然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？台灣著名化妝達人古小偉老師又去邊度掃貨？請留意今期我在《MORE》執筆的美容專欄啦！
台灣美容節目叫好又叫座，《女人我最大》、《鑽石夜總會》當然是我杯茶，最鍾意睇山寨美眉跌落凡間變回豬扒，既譁然又能從中掌握化妝秘技！
今期我會先帶大家到台灣秘竇尋假眼睫毛，林志玲、蔡依林用邊款？台灣著名化妝達人古小偉老師又去邊度掃貨？請留意今期我在《MORE》執筆的美容專欄啦！
沒有留言:
發佈留言
注意：只有此網誌的成員可以留言。