（我的美容專欄， 終於在今日出版的《MORE》面世，請多多支持！）
我的朋友都知我是火鍋痴，覓食成仙嘛，身邊朋友除會問我美容扮靚心得外，就是問我打邊爐有乜好介紹。上星期講過，在台灣遇上最好食的鼎王麻辣鍋，卻原來，我在七月三十日星期五凌晨一點遇到火鍋新歡！對呀，九點食完豐富晚餐，玩到一點再打邊爐做宵夜，咁仲唔算火鍋痴！？
進餐時間並非重點，重點是這一間「一兵一卒」火鍋概念店剛在三月時在台北開張的火鍋店，是現時最 hit 的火鍋蒲點，基本上去這裡既為火鍋亦為蒲，環境美不勝收，是 hip hotel 格調的食肆；創新的咖喱椰香鍋，搭上麻辣鍋的鴛鴦組合，排戰你的味蕾極限；更重要是男女店員都曾任模特兒，既有口福亦有眼福。沒有誰搶走誰的顧客，因為同樣好味，本來幫襯開鼎王的老饕，都要鼎王、一兵一卒兩邊走，因為一兵一卒就開正鼎王對面。
先看環境！
是 Franc Franc 家具精品店嗎？
VIP房環境優雅
Reception小姐身高178cm，標準 catwalk 身型。
那麼誰是火鍋神？
就是一兵一卒的行政總主廚劉友穩先生（人稱友哥）
由他特別為一兵一卒設計的咖喱椰香鍋，短短兩個月便名震台灣，卻原來曾任多間酒店及火鍋店的主廚，從台中打拼到台北，曾參與製作多間火鍋名店的鍋底，更曾著書立說，為何我知得那麼多？
當晚打邊爐，隔籬一班台灣人操著半鹹淡廣東話，當然，他們也很自然發現我正操著流利廣東話，當他們結賬離開，其中一人便用廣東話問我：「你們是香港人？」談話間我提到餐牌上有些食物非常港式，例如用煎饟三寶打邊爐，又有些爆漿芝士蝦丸、油炸鬼等等，我當時已經猜想當中的廚師一定有香港人，或曾做過廣東菜，而他亦暢談餐廳的食物如何及我們對這些鍋物的意見，於是便大膽問他：「你是否劉先生？」「對呀，我就是餐廳的主廚。」
嘩！簡直係火鍋痴遇上火鍋神，更加係港台版「他鄉遇故知」，原來友哥真係香港人，來台已經22年，更和我分享了他一些台灣經歷及火鍋經驗，更深我對火鍋的了解，這些經歷我留番畀《新假期》飲食版同事，在這不贅。
可以當湯飲的咖喱！
這裡的招牌咖喱鍋，真係可以當湯飲，湯頭不辣，咖喱味和椰香渾然天成，一路食都冇口渴的感覺，鍋內的炸枝竹及炸豆腐吸晒咖喱精華，愈滾愈好味。NT$550
醬料有兩種，後面的是咖喱炸蒜，用來醮咖喱鍋的食物，進一步吊起咖喱味；前面的不是豉油，是青蔥醋，調和麻辣鍋的辛辣。
去骨牛仔肉，肉味濃，厚身彈牙，NT$360
揀了香港很少有，而我很喜歡的滷粉腸，滷過的粉腸本身夠味，唔怕被兩種的濃湯遮蓋原有的腸味，NT$280
黑木耳非常出色，肯定係用了頂級的漳洲木耳，NT$80
招牌芝士蝦丸，是漂亮的女店員推介，本來是NT$240六粒，但她見我只有兩人，可以只點兩粒，照顧到這些二人顧客想試多幾樣但驚食唔晒的人，如我，有點喜出望外。
更誇張的是蝦丸爆出來的芝士，好像火山爆發般湧出來，真正爆漿感覺，友哥說其實很簡單，只要用靚芝士就有如此效果，香港的火鍋店唔好貪平用 cheap 貨就做到。
酸梅汁又係一絕，必點。
就這樣一食就食到凌晨三點，本來仲想慢慢食，但已經得番我們最後一桌客人。想到星期五晚黃金時間，要一班俊男美女乾看著我們打邊爐，都係盡快埋單，等他們快點去夜店喪蒲啦。
一兵一卒
http://vipblog.orientalsunday.hk/yokot/
沒有留言:
發佈留言
注意：只有此網誌的成員可以留言。