Who am I？ What happen？
剛剛的台灣之旅，出發前做足準備功課，無論係美食定美容，都要揾到最好的才心滿意足！
當地至 hit 星級推介食肆早於 blog 上逐一與大家分享，想回顧可到食評分類篇。
今次到台灣有個重要的美麗約會... 就是拜訪當地 No 1醫學美容品牌 Dr. Wu 的最新 clinic，當然唔少得要試埋佢哋嘅皇牌 treatment 和大 S 至愛美白點滴。
或者妳哋都試過佢哋嘅 facial ，相信也會認同過程的確難忘啊！
身邊好友笑我投入度 100分，果真「扮靚成精」，連去外地旅行都要 book facial，當然啦，要感受異地不同美容配套嘛！
「大直店」是 Dr Wu 繼「南京店」後新開的 Beauty Clinic，呢個區係台星口中夢魅入住的豪宅區，所以我專誠預約呢間，感受吓有幾靚！
嘩！休息區放置呢兩張仿似 Versace 梳化牀，有氣派又 wild 呀！
做 facial 前要先見醫生做評估，他以專業眼光連還發炮：「妳可以兩邊面打少量 botox，面形會再尖細 D、淚溝注入少少玻尿酸，會睇嚟再年青 D、虎紋位都可以打少少，再平滑 D、至於個鼻...唔...都 ok 高，唔使搞。」
心諗：「醫生！我都想大執，係咪有 discount 呀？！究竟你記唔記得我只係預約咗做美白 facial 呢？相信佢都係職業病發作。」
接著入正題，他問：「最關注皮膚什麼問題呢？」我答：「面色有黃氣，唔夠白囉，我想白 D...白D！」
好！就做 full set 美白療程啦！
大家睇見條毛巾，加埋手上插喉，啋.. 唔係去咗醫院，是接受美白點滴呀！大S 經常掛喺口邊、長期都有做，都係幫襯 Dr Wu 的。
以點滴形式慢慢藉由血液流通吸收有效成份。
呢度有註冊護士專門負責打針及監察整個過程，確保安全。
台灣不同地方的點滴成份有異，接受前，當然要問清楚。 Dr Wu clinic 點滴分別有美白、抗痘、抗氧三種可選，各主要成份都有谷胱甘鈦，此乃保肝之效。而美白點滴會加入傅明酸(維他命 C)、抗氧加入 B 群、抗痘則加入 B3 和硫酸鋅。
美白點滴歴時約 45 分鐘，此時同步做 facial。除一般潔面過程，較特別的是利用杏仁酸去除淺層老化角質和黑色素，成份天然温和。
大家好，我係 Iron Man！
咩事呀...敷咗片 paper mask 之後，仲乜放塊濕淋淋黄布喺我面上，仲要插滿電線？
就係佢哋部出位導入機，以正負極電流將精華滲透至肌膚底層，及有助促進膠原蛋白增生。
好多人試過之後都搶住要拍照留念呢！
呢個 facial 畢生難忘呀！
完成 facial 化番個妝，終於有面目見人喇！
Clinic 環境真係好優美，仲以為去咗間小豪宅添！
*** 美白點滴其實需要3日做 1次，整個療程為 10次，我只做得 1次，效果當然唔會顯著，但去台灣嗰幾日咁曬都無黑到，算是有備而戰吧！
Price List：
大家咪以為上述 facial 實好貴喎！有首次試做價，去台灣玩之時值得 try 呀！
美白煥膚＋導入精華 原價 3,000台幣
點滴 原價 1,500台幣
體驗價只需合共 2,800台幣 ，已包括 full treatment ，即係約 700港幣，呢個價喺香港做一次點滴都唔得呀！
英爵醫美美容(大直店)
台北市敬業三路 155 號
02-85027286
http://www.wclinic.com.tw
http://vipblog.orientalsunday.hk/yokot
***明星推骨瘦面？聽來神乎奇技！詳情請留意我在今期《MORE》撰寫的美容專欄啦！
沒有留言:
發佈留言
注意：只有此網誌的成員可以留言。