例如做facial的時間要減少，其他shopping的時間亦要減少，但我相信這項重要的事情，是我生命中其中一項重要的事情。
忙，除了要犧牲時間，還有健康，說實在，我的身體也有些警號發出，幸好應是疲勞而引發出來的事情，只要找我的「摩掌技師」鬆馳一下，馬上就會疲勞盡消，只可惜按摩所需的時間最奢侈，點算？
星期日父親節晚飯前，就在 Citysuper 找到很好的舒緩疲勞小工具，未必是最新產物（我也頗肯定推出有好一段日子），但這幾晚，我每晚都係靠佢放鬆自己：
自助鬆馳頸後穴位，同埋
腳底按摩板。
我經常對住電腦工作，頸部特別疲累，仲記得以前返工長期對住部電腦的日子，睇得多都會頸梗膊痛，更會影響睡眠質素添！呢幾日用了頸部按摩棒後，效果真係唔錯。
就咁用手輕壓頸部就得，頭一日最初幾下真係痛到入手入肺，但身體會好自然咁話你知：「放心，痛完就會舒服！」哈，果然係咁，昨晚同今晚已經唔多覺得痛啦！最神奇係只不過按頸之嘛，居然全身都會舒服、全身放鬆晒一樣，我只不過按廿次就得，快靚正！
至於呢塊腳底按摩板，純粹係覺得頸部有舒緩，如果配合腳底按摩，由上至下及由下至上的按摩，應該係幾全面。
我呢，會著住對襪，早晚刷牙時，利用刷牙時間做腳底按摩，刷完除襪一睇，成個腳板都係一粒粒凹陷的洞洞，好勁呀！
成個組合又唔係貴喎，頸部按摩棒只係$129，腳底按摩板售$179，全套$308搞掂，用一個月後唔再用都抵呀！
———————————————————————————————————–
本週《MORE》專欄精采內容：
率先披露 循環再用絕讚面膜
我在五月尾去了日本一趟，直抵橫濱太平洋會展中心參觀「第5回化妝品產業技術展 CITE Japan 2011」，世界各地有接近900個美容品牌參與，當中有兩件新品能令我雙眼發光，敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。