因為寫blog的關係，上年八月，我很認真的挑選了一部適合我自己的數碼相機，它就是Sony可換鏡頭相機：NEX-3！
可換鏡頭相機的拍攝質素，都比普通傻瓜機更佳，這是因為鏡頭及CCD都比這些傻瓜機好！但最吸引我的，是NEX-3非常清脆的快門聲！每按一下所發出的卡嚓聲，卡嚓卡嚓卡嚓，爽！每次出席活動、或到訪美容院，旁邊的女仔一聽見我按快門的聲音，都被攝住心神，猛話一定係部好專業的相機。
好了，我剛剛知道，這部NEX-3將於七月推出新一代---NEX-C3！
唉，睇到呢隻色係幾靚，不過新一代只係將機身縮細，同埋由1200萬像素增至1600萬像素，真係不足以吸引我去換機！雖然我沿用開的鏡頭可以在新機上使用，變相我只需買新一代的淨機身即可立即使用。
睇埋佢換上定焦鏡的相片後，更加覺得設計幾唔合比例，我不喜歡用定焦鏡，冇得zoom前zoom後，唔夠方便，但假如新機換上大大支的zoom鏡，真係幾唔靚！
再假如轉用新設計的外接閃燈，嘩，係咪受到塑化劑影響呢？
好在，Panasonic同日宣佈推出新一代可換鏡頭相機GF3：
最重要係比上一代機身細17%、輕 15%！另一個比NEX-3及NEX-C3好的原因是內置閃光燈，不需外接，我根本就唔會加多個閃燈整到部機大大份，所以我最like呢一點。
屏幕仲係輕觸式設計，放上一個女仔的手掌上，都顯得非常輕巧。
兩部新機的估計定價約$5,000，如冇意外，我應該會買白色GF3！佢係最接近傻瓜機size的可換鏡頭相機，相信放入clutch bag都無問題，唯一寄睇係換上變焦鏡後，唔會搞到太大部啦。
———————————————————————————————————–
本週《MORE》專欄精采內容：
夏日底妝 清爽透徹程式
踏入炎夏高温降臨，大家也有共同煩惱，那就是於早上完妝後，粉底至午飯時已糊掉了一半，油光滿面、毛孔盡現，點算好？敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。