雖然器材多，但很基本的中文輸入法卻沒好好學習，每一篇blog文、回答大家的問題，都係從手寫板逐個字寫入電腦(肯定俾我打仲快得多)，單係手寫板已經有三塊，有線無線一應俱全！
手寫板有「多實用」，用過就知道，所以很多時都覆唔切大家的問題。然而，興幸這是很好的練習，因為日日都寫字，非靠电腦組合字樣。
應付網誌的問題都尚算簡單，還有直接email給我的問題（並非抱怨，你們的問題都是對我的支持和肯定），加上各大公關的電郵、廣告eDM、朋友的來郵，我每天起身，mail box的未讀信件數量，係可以咁誇張的：
為了另我變得更有效率，從今天起，你會留意到，我的個人簡介已經稍作更改，讀者朋友的美容問題交流，請盡量在MORE VIP BLOG中留言，因為我每天最常去的地方就是那裏，要處理你們的問題就毋須我電郵、網誌兩邊走，一次過解答晒，方便我時，也不會overlook大家本來email給我的問題，對嗎？
其次，和我直接交流的最佳方法，就是關注我的微博 @YokoTsang ，我近來相當熱愛，因為操作比facebook方便，而且我很少用facebook，通常是方便我的好友把相片tag畀我，或通知我一些友儕間的活動event所用，我不懂的人，我也不會accept friend request。有朋友建議我開一個個人的facebook page讓大家加入，我想目前我都未有這個打算，因為變相又要我facebook、微博兩頭走？何況在iPhone用手寫輸入，始終不及小蒙恬好，iPhone的辨認很依賴筆劃順，偏偏我寫字係冇章法，完全唔跟筆劃順，寫字更具難度！好在iPhone同微博都有emoticon，用公仔代替文字，輸入更加方便。
講咁耐，寫咁多字，只係想講，我最想有聲音輸入法，齋講就可以輸入電腦變成文字，PC冇、iMac都冇，不過iPhone有，我前排發現了這個iPhone app：
雖然口講輸入的文字只能夠直接輸入SMS或電郵，唔可以直落微博或Whatsapp，但可以copy & paste已經足夠我用，實在係近來發現最偉大的app！唯一係太嘈太多背景雜音的情況下會影響辨認效果，亦直接方便我發更多微博，同大家互動及解答微博上的問題！
———————————————————–———————————————————————————————————–
本週《MORE》專欄精采內容：Beauty Secrets點解捱夜皮膚都靚
時代女性將睡眠視作奢侈品，然而，休息不足又點樣keep住靚樣先？我有SOS法寶，敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。