每每累極回家的時候，看到它在屋內凝望剛剛踏入門口的我，你怎累都會疲態盡消！
自我小學起，已經養過很多不同種類的貓：
小花貓最有性格，不合群，叫它都未必理你，必須很用心培養和小花貓之間的感情，一旦建立了，就當正你係父母一樣咁黐身。
蘇格蘭摺耳貓樣子最得意，肥頭摺耳，幾乎令你愛不惜手，性格黐人得人歡心。不過摺耳貓屬隱性基因貓種，身體隱藏很多遺傳病，尤其骨架最易有問題，後來認識一些良心寵物店都說不會再售摺耳貓，我有好幾次帶摺耳貓看獸醫，都跟我說不要再買及鼓勵朋友養摺耳貓。
在2008年，當時我在跑馬地的寵物店，看到一隻純白的異國短毛，我從未養過異國短毛，但好幾次我去不同的寵物店，看見養在店內的異國短毛都非常親民，逗弄一下便跟住你走，又嗲。在這良好的印象下，加上白色很可愛，而且它的鼻不夠扁，反而更得意及不易有淚線栓塞問題，立即在旁邊的Dr. Eric Lai檢查，一切妥當正常，便直式成為我家中一份子，佢就係經常在這裏和大家見面的「Bubebu」！
這是它三個月大時的貓樣！
過度活躍、極度好奇、勁唔怕羞、超級嗲人，異國短毛的性格和小狗一樣咁可愛，絕對唔似一般的高竇貓！
這樣的睡姿經常發生，唔使刻意捕捉都影到！
扮鬼扮馬就仲叻，直頭可以任我去幫佢styling！
這三年來，佢都鍾意同我玩伏匿匿，成日都搞到我鬼咁擔心，但係當你搵到佢的一刻，只係可以笑爆你個咀！例如上個月偷偷匿入鞋盒，但突了條尾巴出來！hahahah
又或者今次，偷偷走入我間closet room，匿入鞋櫃，當我搵到好焦急時，佢就鬼鬼馬馬咁探頭望你個心急樣，若無其事咁！
每日中午佢都準時同我玩，不過佢只有三十分鐘魄力，之後就會累到唔想郁，準備入夢，就好似上圖咁樣啦！
———————————————————————————————————–
本週《MORE》專欄精采內容：
夏日底妝 清爽透徹程式
踏入炎夏高温降臨，大家也有共同煩惱，那就是於早上完妝後，粉底至午飯時已糊掉了一半，油光滿面、毛孔盡現，點算好？敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。