前兩天我與Clé de Peau Beauté首席化妝師有個約會，在Time Square VIP房乖乖上堂互相傾討及實戰兩個半小時，就是要吸收品牌的獨特日本美顏術及妝技。
我對Clé de Peau Beauté最深刻的印象就是「矜貴」，還記得曾推出的限量版化妝掃-四支索價二千多元，於毛質及豐厚度而言，又確實特別出衆，要嚟上base再上foundation妝效好易拖得極貼薄，nude妝效果手到拿來；除此之外，我家中仲有兩支珍藏base，目標矯膚色及遮毛孔，點解叫珍藏？因為佢稱得上base界神話，很多星級化妝師如Zing、Candy Law也盛讚呢！
搽乳液唔係用手指，品牌專家教用棉上，技巧等同幫架車打蠟，在面上拋光，將成分中的「閃耀細胞」-天然珍珠，捽入肉眼看不見的肌膚坑紋，勁呀！
柔膚水、乳液我屋企多的是，估唔到呢個品牌這兩款產品竟然有咁大分別，就是其super閃爍度，塗上面後見到皮膚好...好....好令，光澤感似由肌底透出嚟咁，暗啞即閃走，surprise！
特別一提含有薏仁成分，有乜功效？咪就係大家最關注的排走多餘水分「瘦面」作用。
想揀配對自己膚色的粉底你會點做？搽在手腕、手背、頸部........通通錯！
正確答案是如相片般沾在面側近下巴位，Clé de Peau Beauté首席化妝師Anna教秘訣---取3種色調，由淺至深並列，對應貼近膚色之選。
呢支係今期主角，品牌最新紅爆化妝界「Cream Foundation 粉底霜SPF26・PA++」。
妝效是半啞光，既能控油保持清爽舒適觸感，又能發揮通透光澤仿如嫩滑無瑕BB肌。效果非常貼薄，竟能遮到印痕，很適合炎夏使用。
坊間評語多是讚讚讚，然而有極少數人謂難handle，實情秘訣是要配合特別技巧---如紅豆分量便足夠，緊記 'less is more'；此外，絕非如慣常塗粉底方法---先置於面部5處，而是應該取少量於手指局部塗抹，這是歸根於粉底先天性能快速鞏固黏附皮膚原理(即是持久度高咁解)。
$980 / 8種色調
咪睇呢個粉撲同一般嘅沒異樣，佢係我favourite。
含有棉籽油成分，即棉花籽榨的油，作用是軟滑肌膚，其密度極高，無論是上底霜或粉底後，將佢於面上輕施按壓，粉粒會加倍融入肌膚，製造仿如絲般滑溜觸感。售約$60，絕對值得投資！
刷睫毛又有咩秘技可以提示大家？
先橫放於睫毛根部，左右擦上睫毛液，暫且不要拉長，原理是先令根部濃密及挺身，接著......
然後垂直拖拉向上，目的是令腱毛更翹及纖長；若然喜歡娃娃feel的，建議將兩至三條為一束，擦上睫毛液使之聚起來，看來更年輕可愛。
Clé de Peau Beauté呢支具修護效果的睫毛液，標榜防汗、防水、防皮脂功效，兼有定型配方，我搽上一整天真係無變熊貓眼喎！嗱嗱嗱，大家眼型唔同、淚水分泌有別呀，唔包生仔呢！$400
105色係我強力堆介！
單塗在眼窩位，呈微粉橙色，很sweet又醒神，沾多一點色澤在眼尾部分，也可做到單色層次感，加多條深啡眼線就是日系清純look。
自己睇唔慣........很清新的日系輪廓妝！
我用咗兩個幾鐘化呢個妝，再用咗咁多心血指導大家，希望妳哋仔細咀嚼秘技，覺得有所得著啦！
如果大家都鐘意我呢個日系輪廓妝，就唔好遲疑，即刻到訪Clé de Peau Beauté 以下counter，由專業美容顧問親身指導大家、體驗護膚妝品，兼交流心得啦!
Clé de Peau Beauté 槪念店及專櫃
銅鑼灣時代廣場連卡佛 2506 3018
尖沙咀廣東道3號連卡佛 2736 1838
九龍塘又一城G38號舖 2265 8088
澳門蘇亞利斯 博士大馬路新八佰伴地面 (853) 2875 0658
———————————————————–———————————————————————————————————–
本週《MORE》專欄精采內容：
本週《MORE》專欄精采內容：
Beauty Secrets點解捱夜皮膚都靚
時代女性將睡眠視作奢侈品，然而，休息不足又點樣keep住靚樣先？我有SOS法寶，敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。