呢幾日慣用的護膚妝品都唔知喺邊度，揾到甚麼都是講彩數，反而有驚喜喎！
三功能洗面泡：
含有蘋果氨基酸、椰子油粹取物、金無茛植物精華、海洋草本精華、礦物質維他命A & C，潔淨同步護膚，更有助軟化肌膚、注水及抗氧化。$190 / 150ml
呢支係 ~H2O+ 啱啱推出嘅新品，搬屋朝早至拎到，所以最後 pack 箱，可以隨手攞得到嚟試用，連續 3 日早晚都喺靠佢潔面。
夏天向來偏愛泡泡狀洗面產品，特別乾淨過人，然而經常被誤判致皮膚乾燥死罪，其實思想要革新了，很多品牌早已加入各種保濕護膚成分。
咁有型格的令面銀樽包裝，與 ~H2O+ 一貫的大自然海洋藍分路揚鑣，夠破格，I like it！
佢叫做 3合1 潔面泡，一take 過發揮三大功效：深層清潔、水油平衡、趕走幼紋，仲話有媲美 Botox 的獨特成分六胜肽，針對減淡表情紋，呢一點相信要用上好一陣子才feel 得到係咪咁勁。
短時期都睇得見係 T 字位油光減少，潔淨毛孔都做得唔錯，粉刺可以即時清得走，雖則稱不上很滋潤，但絕對不會覺得繃緊，感覺恰到好處，相信男性都會 buy 這種潔面感覺。
用法：於濕潤面上輕力按摩，重災區T字及下巴位會我多加分量，隨即以清水過淨便可。
三重享受磨身：
主要成份為糖、乳木果油、椰子油、香甜蜂蜜、蘆薈及維他命E，為身體肌膚潔淨去角質同步保濕及滋潤。$320 / 227g (金鐘太古廣場西武/銅鑼灣名店坊LCX)
呢一盒 Noodle & Boo 身體磨砂膏，我真係對佢唔住，竟然無重視過，屈埋咗大半年，完全唔記得咗，前日試用至知原來咁鬼得，務必立即推介俾大家！
咪以為日日冲涼就代表老化角質會遠離你，每星期都應徹底磨一次啊。
一揭蓋見到有層蠟面，仲以為如紅毛泥咁實，用手指大力一掘....嘩攞咗一大 pat 添，原來層令面係椰子油和乳木果油來的。
按上皮膚之時，起初質感尤如粗粒糖，我經已先濕身才按摩，仍然覺得超嚡，要嚟對付手肘、腳肘就極啱，殊不知磨多幾吓會融化成液體，這時感覺似塗油般很潤滑，相信是因為含有蜂蜜，之後再用水沖淨，會 feel 到如一層薄膜包住肌膚，用後不需塗任何潤膚乳也很保濕。
大家不妨正值入秋轉季之時一試其實力！
待續......
=====================================================================
本週《MORE》專欄精采內容：
10分鐘大眼妝戲法
以前做稿經常介紹星級化妝師秘技，講真難實踐，其實齋睇冇消化都唔係辦法，我集百家所長修煉出10分鐘「化腐朽為神奇」之眼妝，最重要係簡單易學，不受潮流規範，瞬間令雙眼無神變炯炯有神。
即睇今期《MORE》親身講解！
沒有留言:
發佈留言
注意：只有此網誌的成員可以留言。