搬竇大事件！

某玄學家早說過我呢兩年會較多變動，中晒...搬屋、轉工、結婚，人生大事一次過湧現，正正是入大運轉接期，希望承他貴言啦！
上年十月搬離跑馬地到銅鑼灣真的無比興奮，哈...哈...住銅鑼灣是我中學時期的夢想，飲食玩樂購物工作都方便至極。
點知人生首次租屋就撞正個衰業主，我一炮過俾晒一年租金的好意，竟換來惡意對待，爛乜壞乜全部不跟進不得止，前兩個月仲玩失踪，直至上兩個星期自動自覺蒲頭原來係宣告加50%租金，真係想大佢個頭，結果傾唔掂數，決意不屈服下星期即搬！
其實心中早已有實踐dream house計劃，可惜拖唔到下年頭，亂咗陣腳，興幸現在搵到更大地方暫且落腳，但點都不及 CWB 方便，那邊廂好在相熟師傅call齊一team人馬兩星期趕工裝修交貨。
腦裏浮現蘇師傅經常對我講的精警話：「人算不如天算！」呢刻真應景。

我現在仿似住喺迷你倉，家中紙箱堆積如山玩層層疊，人搬屋我搬屋特別煩，因為太多儲物興趣，隨時走佬唔容易！不妨公開俾大家睇吓：

這只是家中冰山一角的護膚化妝品，真正數量相信是50倍都不特止，特此多謝各大品牌及PR朋友。搬屋又要解決的是 new products trial 送貨問題，我需要廣發通知更新地址以知會工作上朋友，有排搞呀！
好友到我家中打麻雀，無論男或女，第一件事唔係開枱、分籌碼、倒麻雀，而是輪流潔面、一齊敷mask，喪搽我屋企最貴嘅護膚品，話捱夜都唔怕！

成日俾人寸：「你得一對脚啫，使乜買咁多鞋，著嚟著去咪又係嗰幾對？！」無錯，通常係女性通病。之不過男人咪又係「只得一對脚啫，使乜買咁多褲，著嚟著去咪又係嗰幾條？！」

有理由相信我的瘋狂購物慾是遺傳自父母，記得小時候每逄星期日都係要等爸爸吹髮換衫裝扮一粒鐘，可想而知他的貪靚程度，之後便是飲茶，接著一家人買衫買鞋買袋樂在其中，我稱之為「瘋狂購物日」。長大了，父母叫我搵錢咪太大使，要儲起佢，哈哈...遺傳嘛，俾D時間我慢慢甩掉壞習慣。
所以家中衫量亦係數之不盡，不過每次搬屋都會捐贈一些，希望有需之士可以受惠。

儲帽數量又係誇，執執吓見到有成30頂，仲要好多都無印象添！自己都覺得慚愧...嘥錢。
每次去日本旅行最鍾意就係買帽，有時買咗返港又覺得太誇張，或者太kawaii，結果好少戴，唔知大家有無同感呢？！
手袋經已率先入箱，唔記得影低，全部各自連盒，又阻咗3大紙箱。

Wii、Xbox game數埋都有成70盒，屋企人嚟見到真係無我哋咁好氣，朋友就非常 enjoy喇！
兩年前出的 Paper Mario 係我至愛。

以前任職的雜誌、外國参考雜誌和現在每期的《MORE》又係必儲，大家可想而知需要幾多空間呢？！

貓咪真懂性，已意識到又有大事發生，這幾天執拾準備搬寶，牠們會無平時咁活躍、搵個安全位成日躲埋、眼神閃縮，我見到都唔安樂呀！
記得上年搬到新屋，其中一隻3歲大摺耳貓(即是啡色那隻)天生特別膽小，來到陌新環境那天，24小時躲在窗台一角，無離開過半步，即係唔食唔飲唔痌，嚇到我唯有送到媽咪屋企，因為佢去慣嗰度，內心當然依依依不捨兼心痛，所以好驚下星期會案件重演呢！

============================================
本週《MORE》專欄精采內容：


美容大忌……在毫無保護下與陽光玩遊戲，它是肌膚老化、缺水、暗啞、鬆弛，色斑的原兇。大家可知道揀選防曬產品都要考美肌智慧？！
今期《MORE》專欄內，推介我常用的 3 種具不同美顏功效「物理性防曬」，請大家對號入座！
微博：http://t.sina.com.cn/yokot/
http://vipblog.orientalsunday.hk/yokot/
http://yokotsang.blogspot.com/