2014年1月30日星期四

急症紅疹 怪事分享

[警告：以下相片或會引起大家不安]
剛剛的星期六、日、一，我過得非常難忘，皆因皮膚平時總算聽話，但新年前竟然突發大鑊嘢！

以我人馬座樂觀性格，我會形容事件係「不幸中之大幸，好彩咯！」
因為，最終多得彩光之父Dr Lee在放假的星期日都出手為我診症啊！

事緣，剛剛的星期六下午三點左右，我覺得心口痕痕哋，自不然輕抓兩下，好在一向自知皮膚要小心保護，所以真的只是「輕力」抓，但痕癢感在十分鐘後愈趨強烈，心知不妙，即刻揭開衫領照鏡......
「嘩！大鑊呀！心口起晒紅點！」
鳴......隔多陣仲變成咁！

心諗，出疹？why?睇定D，要知會否持續擴散才可斷症。
就在這刻，what's app了徵狀給彩光之父Dr Lee，回覆是「鎮定，萬大事有我。初步看係疹，有無食咗咩嘢、搽咗咩嘢？留意有無擴散，三小時後再sent相俾我啦！」

我細想，最有可能嫌疑係事前嗰日食過麻香雞和開心果，前者是四川菜，用了很多香辣料煮成；後者堅果類，易引起敏感徵狀.......但最想不通係呢兩種食物我一向有食，無啦啦致敏？

當晩，紅點漫延心口至頸背，我睡得非常差，痕醒好幾次......
至第二日，即事發24小時，情況迅速加劇，面咀嚼肌附近也有少許，而心口紅點起晒釘狀，痕到飛天，欲哭無淚，但......當日是假期星期日，邊有睇皮膚的診所開門吖！
立即再what's app最新苦況俾 Dr Lee，好在他捱義氣幫我急診。
仔細檢查後，得出的徵狀係聽都未聽過「光敏皮膚炎」-是因進食某些食品後，接觸到光，而引發敏感再轉化成急性皮膚炎。故此，我身上的紅點只出現在光照射到的心口、頸部和面頰。
 Dr Lee分別開了藥膏供面和身，及一種口服藥.......
3小時後已經唔痕，至6小時後，有顯著好轉。
至第二天中午，散了一半。
兩日後，皮膚好翻晒，回復滑溜了！！可喜可賀。
-
唉，今次呢個怪病，咩因由真的無從稭考，也沒法同大家分享預防方法！
解決方法倒有，就是幸而找到醫術高明的醫生照顧我。

自言事件「不幸中之大幸！」
是關Dr Lee新年期間會坐足9天郵輪享天倫之樂，如果呢個星期至嚟料，搵邊個救忘？！
-
—————————————

本週《MORE》專欄精采內容：
新年DIY消脂瘦身茶
新年，魔鬼美食誘惑，食慾特別旺盛，然而，開心過後罪惡感隨之而來，唔想似「腹大便便」，大家不妨自己炮製消脂茶飲，於享受美食同時保持窈窕身材。
我推介幾款消脂茶秘方，針對纖腰消腹、養顏消脂，不同效用啊！
請留意今期《MORE》雜誌內我的專欄。
發佈者： Yoko Tsang 於 00:21
標籤：

1 則留言:

  1. Unknown2014年4月30日 上午5:35

    好想知Dr Lee嘅診所地址同電話，因為塊面皮膚敏感，折磨咗我好多年，轉過好多次醫生都搞唔掂…… 懇求……thank you
    email: nataliekunda@yahoo.com.hk

    回覆刪除

注意：只有此網誌的成員可以留言。

訂閱： 發佈留言 (Atom)