唔使估啦，單係睇見個標題，答案已經呼之欲出----咪就係iPad囉！
去年，我曾接受《忽然一週》、中國版《Jessica》的訪問，都是聊一些blogger工作的點滴，而他們都準備了不同角度的訪談內容，唯一相同的是記者們不若而同要求我帶備iPad出席訪問，當然，我的訪問相必然地手持iPad，例如以下呢張：
而iPad對我而言，又真係好有用，至少我出席press con時，都必實帶備iPad，遇上一些PR的提問，便可以立即在 iPad 上網，看我的blog或找其他資料。
不過這位戰友，很快就要退役了！
因為iPad 2下星期五（11/3）就推出了！可惜只限美國，歐洲要25/3先出，香港同其他亞洲地區係未知幾時有得賣。
Apple就是有這樣的一股魅力，我這個科技白痴，都無啦啦等到凌晨兩點，同美國同步拉闊睇Steve Jobs主持的iPad 2發布會。新增功能我都唔係好care，我只係關心個芒有冇細到，事關iPad真係幾大部同頗重，我每次都要帶個大袋袋住佢。可惜個芒一樣係咁大，不過變得更輕同更薄：
幸好iPad 2的售價和上代一樣，所以我會毫不考慮地換機。其實昨天一早，財爺宣布直接派錢人人六千，我身邊大部份朋友都係話要買iPad 2，未有iPhone 4就出iPhone，香港的盈餘，就咁去晒Apple手上，我諗，我都係應該用六千買Apple股票，買到幾多呢？立即上網check，原來只夠買 2 股咁大把，同埋，香港人點樣先至可以越洋買美股呢？只買2股Apple又得唔得呢？
行文至此，iPad 2發布會仲未完，不過我已經好sleepy，不過見到 Steve Jobs 仲係咁精神，希望佢身體真係冇乜大礙，Good Nite！
——————————————————————————————————————–——————-
本週《MORE》專欄精采內容：率先試 隱形微針換膚術
今次我要作介紹的的新療法，是既擁有MTS的美容功效，又杜絕了其危險性，名堂是「矽藻微米骨針煥膚療程」。骨針？初初得悉時，也非常譁然！原來自18世紀以來，骨針是歐洲視為治療皮膚問題的傳統秘方。
詳情請留意今期《MORE》專欄。
沒有留言:
發佈留言
注意：只有此網誌的成員可以留言。