我對海南雞飯就是有一份情意結，懶理有甚麼新食廈新食肆開張，都未必會第一時間去試，但只要當我知有有新的海南雞飯，多千辛萬苦，都一定要試到入口方休。
加上這次為好友細Ken慶祝生日食飯，又有幾位為食兵團成員在陣，一於食爆佢張menu，睇真一點呢間「亞洲家族」除了海南雞，仲有冇其他美食！
大廚是前新加坡文華Chatterbox大廚賴育祥，亦即是上年助陣世貿中心「海南少爺」的大廚，這人手勢我上年已經試過（詳情請重溫：寸得滯的海南少爺！），感覺一般。
以下三味有待改善，不過我都要講下點解唔得：
第一樣係福建蝦湯燴麵，麵冇蝦湯味，蝦湯好似燴唔入麵（或蝦湯唔夠蝦味？），普通到不得了，我老公食完一啖只係話：「真係幾 福建 喎！」（好明顯佢又借機講粗口囉）
第二樣係胡椒蝦，蝦的雪味太強，咁重口味的胡椒都蓋唔過雪味，解凍功夫做得唔夠，只要稍加改善就再冇此問題的。
第三樣係巴東牛肉，牛肉揀晒最韌最乾瘦的部份，又冇筋，醬汁餵唔入牛肉內，咁你明啦。
地址：銅鑼灣告士打道264-269號海宮大廈地下5號鋪
電話：28369000
——————————————————————————————————————–
本週《MORE》專欄精采內容：煉金術 還原BB肌
今次要介紹給大家的magic products-Julisis，是遵照著嚴謹的煉金術指引，在世界上只有兩所實驗室能夠做到，就是運用超凡的「液化技術」，仿如鑰匙般開啓肌膚通道，與細胞結合，發揮最佳修復效能。
詳情請留意今期《MORE》專欄。
沒有留言:
發佈留言
注意：只有此網誌的成員可以留言。