周不時收到讀者留言問我護髮心得！
其實，兩星期內將會介紹一個極好效果的 hair treatment 俾大家，仲向呢間 salon 爭取了優惠價，敬請密切留意！
今日想分享洗髮後點樣護理，先至叫愛錫每根髮絲。
我天生髮質偏乾，加上堅持留長髮及腰，營養梗不足以供至髮尾，每次洗完頭之後，至怕就係濕立立時梳頭，好難搞，我諗長髮一族必會深明此苦況。
有乜解救方法？
今次集中講解洗髮後之針對性營養補給。
以下呢幾支護髮產品，臨危受命，分身應付頭髮所須。
濕髮時-呢個時刻頭髮鱗狀表層仍然張開，是髮絲最脆弱嘅時侯，要把握補充養分，注意不同部位髮絲應配對不同之合適產品。
中段至尾段髮絲即時噴上修護營養水，我用的是Wella Professionals活能再生噴霧，含乳木油、抗氧化因子，可以令頭髮更柔順易梳，質感輕盈，絕對不會阻礙乾髮後的飄逸美態。
【Shop list：Hair R 尖沙咀亞士厘道 34 號天星大樓1樓 2882 7270】
髮尾必用油狀輕柔按摩，貪佢足夠滋潤至啱對付乾旱易斷開叉髮尾。我近幾個月常用的是曾在《MORE》內提及的法國 KÉRASTASE 極緻修護精華油，是由四種珍貴精油調配-玉米油、堅果油、山茶油及巴卡斯果油，有效修補張開了的受損磷狀表層。
【KÉRASTASE $480 / 125ml 查詢熱線: 31801510】
染色後- 要揀專門具鎖色功效的修護產品。我買咗 Schwarzkofp Gliss Kur color protect hair repair 免沖洗乳霜，科研「髮絲細胞修服系统」，供給蛋白質營養，標榜鎖色達90%。我覺得質地有D立，所以忌貪，搽若榛子果仁般分量已足夠，至鍾意有微閃粒子，搽在頭髮上會有閃亮效果。
【尖沙咀龍城药房 約$65】
吹髮前- 熱風有幾傷頭髮相信無須我再大費周章，於吹髮前建議噴上防熱風噴霧。我捧場多年的是 Toni & Guy Heat Defence Spray，此乃專攻直髮用的，除咗覺得心安理得，又真係好似可以令頭髮無咁易黄和乾旱。
【萬寧 約$90】
乾髮後- 頭髮柔順健康都仲未夠靚嘅！我要人工化閃爍光澤，加強吸引力。呢支 kms silksheen，是水溝油配方，乾髮後遠距離噴在整體髮絲，會營造出低調閃亮感。
【尖沙咀龍城药房 約$75】
——————————————————————————————————————–-------------------本週《MORE》專欄精采內容：率先試 隱形微針換膚術
今次我要作介紹的的新療法，是既擁有MTS的美容功效，又杜絕了其危險性，名堂是「矽藻微米骨針煥膚療程」。骨針？初初得悉時，也非常譁然！原來自18世紀以來，骨針是歐洲視為治療皮膚問題的傳統秘方。
詳情請留意今期《MORE》專欄。
沒有留言:
發佈留言
注意：只有此網誌的成員可以留言。