肌齡逆轉飲料

尋日去 media lunch，見番 n 年前入行第一份工的 fashion 同事- Polo，當年佢至愛曬太陽，話要同黑人 fall in love 喎，瀟灑豪邁不拘小節係佢個性，所以從來唔理皮膚曬到燶曬到乾，近呢年則無再見過面，直至昨天，她坐在我對面位，先寒喧兩句，隨即單刀直入忍唔住讚佢兼索料。
點解？皮膚可以 180 度轉性？完全無缺水問題，白白淨淨，摸上手測試仲好滑添，tell me why？


Polo 笑笑口話估係兩大 main points，姊妹們不妨汲取過來人經驗！

1)      Polo：「一年前係我人生中首次開始搽防曬，keep 住日日用，隔咗個多月就發覺乾紋、淺皺紋無再出現！」吓，就係咁簡單？！有理由相信紫外線是催促肌膚老化主要原兇。於無化妝的日子，我多數厚敷透明保濕啫喱面膜出街便算，大鑊啦，怪不得之我周不時做完C6美白嫩膚轉頭一星期又打回原形。

2)      Polo：「嗰時皮膚老態畢現，終於知驚，我上網查到飲紅莓可以抗老化，連續飲咗兩星期，每朝早一杯。結果非常神奇，未飲前在 Clinique press con check 肌齡是 38 歲，飲完隔咗兩星期去 SK-II press con，check 到肌齡一下子回到 22 歲。」嘩！聽到佢咁講，我嗱嗱聲實行以下大計。

尋日朝早，呢個盒送到我府上，大家估吓係乜東東！

紅白色，I like it！唔通係最潮日本籃形手袋？哈哈，揭開蓋咪知囉！

成個啞鈴咁，原來係最新抵港的抗衰老美肌飲品- POM Wonderful 紅石榴汁。
236 ml / $27.9、 473ml / $49.9 (崇光百貨、Three Sixty、Jusco、一田百貨、UNY、city’super有售)

抗氧化果王由紅石榴榮登寶座(含極豐富多酚抗氧化物)，紅莓都要靠邊企呀！
(我上年尾也提及過，可重溫 http://vipblog.orientalsunday.hk/yokot/?p=2258 )

Polo如果你睇到我呢篇blog，快D轉移目標飛起紅莓，投入紅石榴懷抱吧！

Bubebu 家陣賣廣告咩，舔脷仔咁 cute？！

送上門又如何？要我放入口，當然先要仔細了解底蘊：
Q) 成分是否百分百純天然 ？
POM Wonderful 是美國加州紅石榴最大生產商，果園位於陽光充沛的加州聖華金谷，製成品全部不含人造成分，確保天然我至會放入口，否則寧願繼續飲至愛熱水！

嘩！幾時至有機會親身去加州呢度品嚐新鮮紅石榴呢？

不如揾 sponsor 搞個「抗氧化回春團」！

Q) 我已戒了汽水紙包果汁，因為怕致肥又唔健康的糖份，呢支紅石榴汁會唔會令我破戒呢？
成分極健康，完金不含添加糖 (只有生果天然低糖)、不添加人造色素；一瓶大支裝 (473 毫升)的紅石榴汁由 4 個完整紅石榴鮮榨成，可想而知抗氧化功效幾咁勁！

Q) 紅石榴真是抗氧化之王嗎？

2008年發表於¹The Journal of Agriculture and Food Chemistry 的研究指出，這支紅石榴汁比紅酒、綠茶及其他果汁如藍莓汁、橙汁等，蘊含更多多酚，能更全面對抗自由基，有證有據，更加激起我飲佢嘅興趣！

至於味道如何？

真係非常濃郁，是我最喜愛的甜中帶酸味，除咗淨飲，建議仲可以溝 soda 或 sparkling water，味道會清淡一點，變相可以慳住飲，因為價錢確唔平呀！

由尋日開始，我將會實行連續兩星期朝早淨飲大計，希望可以好似 Polo 咁瞬間肌齡逆轉，後生五年就夠喇！

一啖都唔留俾我，哼！

 ———————————————————————————————————–

本週《MORE》專欄精采內容：

星級秘方「代茶」  愈飲愈輕兼去水腫

大家對星媽陳慧琳、李嘉欣瘦身 formula 那麼有興趣，我都有料爆，是從可靠秘密渠道收風，有關 Kelly 這位靚媽生完第一胎「蝦餃仔」後的速效修身妙法，除孕婦外，絕對適合一般經常嚷著想瘦身之女士。

詳情請留意今期《MORE》專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/