頭大雖然聰明，但會拉近頭身比例數字，試問有邊個女仔唔想自己係「九頭身」完美比例？頭大面大，拉勻就變成七頭身，除了讚一句「造型cutie」，與美麗標準好似拉不上關係。
所以各位愛美女士都想瘦面，面細真係點襯都好睇，戴頂冷帽都會型過人。日本人就稱面細的人做「小顏」，加上日本女士特別愛美，所以有一系列的「小顏術」，務求令你塊面變得更美更細，令造型變得更容易。
聽完係咪覺得「小顏術」好吸引？我自己都覺，所以我早在三個月前，已經暗中測試一個來自日本的「小顏facial」！而經過呢三個月的長期測試，我發覺到真係對瘦面有幫助，而提供這個「小顏術」的treatment centre也和我一拍即合，於是你會在今期《MORE》看到一個有我endorse的瘦面推介！哈哈，真係唔試過有效都唔敢介紹呀！
呢個完全承傳日式「小顏術」的做法，就由我在這裏詳細講解給大家知啦！
「小顏術」重點之一是採用日式「しあつ」（音：Shiatsu，解指壓術）指壓手法，透過定點穴位將面部多餘水份排走，然後以輕柔拉提方法重新塑造「小顏」面形，令輪廓變得更細緻、緊緻。
我親眼看著專誠由日本而來的指壓大師作示範！
別看輕這種指壓術，因為9 Beauty 的技師都是由日本師傅指導下學有所成，而且日本的「しあつ」受日本厚生省規管，技師的指壓術都受當地認可，令我更有信心！
除了手法出色，連facial按摩的過程都採用來自日本的無添加護膚品牌 ENARY ，最特別當然是其含有日本當今最hit的甲殼素，有極佳保濕及鎖水效能、增加肌膚彈性和光澤、活化細胞、修復傷口、高度抗菌、有助重金屬毒素排出——心諗有無咁誇張呀？！但有位日本通友人告知，當地人甚至會將甲殼素粉加入食水飲用、煮飯洗菜和浸浴等，講到咁吸引，點可以唔試呢！
皮膚吸收晒 ENARY 多款產品後，即時水潤通透，仲有難得一見的反光添！勁！
除專業手技外，最後當然有配合美容儀器的步驟- RF 雙極射頻，透過加熱真皮層，讓膠原蛋白纖維收縮，令排列變得緊密，同時有效縮減脂肪細胞，速效變小顏！我試過咁多美容院嘅 RF 機，呢度可算是數一數二的快見效，因為引入的絕非平價機種，能量可調較達專業用級數，要知道原理是真皮層接觸到適當的熱力才有發揮緊緻效用喔，更重要是操作安全嘛。
RF 射頻真係最快去水腫嘅神奇技術，重要暖暖的鬼咁舒服喎！
睇埋以下環境，真係靚到冇得彈！雖然我從不以裝修堂煌的美容院為賣點，因為我一直深信，只要做得好，裝潢簡陋我一樣照去可也！但這裏的靚裝，確實令人非常享受。
這個日式「小顏術」現提供一個非常抵的體驗價，首次試做都只係$288！還包括頸部及臉部。成日 e-mail 問我點瘦面、點去水腫嘅姊妹們，快D試吓喇！
療程價是$8,800/10次，在中環的心臟地帶可以搵到一個用貴料但價錢咁抵嘅 facial，真係唔容易，最適合各位OL放工就去做呢！
9Beauty 中環威靈頓街27號地鋪
Tel：2810 8120
www.9-concepts.com
——————————————————————————————————————–本週《MORE》專欄精采內容：
遊日必掃 平價美容三寶
家陣，香港人最愛遊日韓台三地，我亦然！上月尾到日本山形縣工幹，隨後留
守東京加入激安購物戰團，指定動作當然不少得搜刮既平價又好用的護膚品介紹給大家！
詳情請留意今期《MORE》專欄。
http://yokotsang.blogspot.com/
沒有留言:
發佈留言
注意：只有此網誌的成員可以留言。