原來百幾年前射頻技術原先是應用於心臟病學、肝臟腫瘤等臨床範疇，至2002年獲FDA批准後，始用於皮膚美容範疇，大量文獻報導射頻存在去皺、改善皮膚鬆弛、改善皮膚質素等效果，即時令全人類著迷。
噚日推介咗我經常去嘅 9 Beauty日式 Shiatsu+射頻療程，標榜最多人認為自己有需要的瘦面功效！今日想講解12月中我曾在《MORE專欄》介紹過，在卓悅獨賣的 Dr. Bauer 家用版射頻美容儀，與大家分享這幾個月收到的 email 查詢。
新年期間朋友到訪我家，都被呢個盒吸引住-問長又問短，仲爭住試用，麻雀枱上收番大家體驗價，哈哈！
$6,569/套 (Dr. Bauer射頻機連專用青春營養導入霜200ml) 卓悅有售
過程即使用上最大度數-level 3，只屬微溫熱，感覺非常安全，但效果不及坊間大機快見效，要頻密做！
俗語有云「不怕生壞命，最怕改壞名」！呢部 Dr. Bauer 家用版射頻美容儀的確改咗個好成功引又著目嘅名-「神級射頻童顏機」，標榜15分鐘即變童顏BB肌、教人無敵V面必勝法、眼圈眼袋剋星、通淋巴還童術等，確實引人入勝！
原來好多人都對呢部機好有興趣，於專欄見街當天，魔掌技師Winny是第一位即致電給我：
Q「係咪真係得？我個friend諗住去買喇！」
效果-係有！但別期望又快又勁，以為今日做聽日瘦！皮下層膠原纖維被加熱後，都要俾D時間佢active至會收縮，即firming，周期至少兩星期；皮膚鬆弛情況愈worse，緊緻成效愈顯見；即時效果可以有，但很視乎識唔識過程中行淋巴位，帶動多餘水分和廢物排走。
仲有多位網民查問：
Q「我對呢部Dr. Bauer家用版射頻機都幾有興趣，但唔知應唔應該買呢？」
未講效果，先要問有興趣之士是否3分鐘熱度性格？因為據研究顯示及我親身試用，真要隔天做15分鐘才可發揮最佳效用，仲要持續3星期，無心做奉勸咪買，賴部機唔得無人會退番錢呢！
Q「同出去美容院做有咩分別呢？」
咪就係唔使出去，可以慳番D搭車時間留係屋企做囉！
Q「究竟射頻點解可以令皮膚靚？」射頻波可以穿透表皮基細胞屏障，使真皮層膠原纖維加熱，膠原纖維延伸，使鬆弛的皮膚皺紋被拉緊，達致美容去皺、皮膚光滑的指標。
Q「好似好貴咁，值唔值得買呀？」
即管分析婆仔數，坊間美容院一般面部射頻護理(不包括頸部)收費約六百元一次，約做十次便等同機價，假如自己擁有一部，起碼用足幾年，更可以惠及屋企人；再唔係約朋友上屋企做facial，賺埋$添呀！
Q「部機除咗自己做，幫男朋友做得唔得？」
Sorry，真係唔得！效果唔work兼且有危險，咪好心做壞事-整親自己兼連累愛人！
因為呢部機的單極射頻原理是需手握導電棒，
Q「部機喺邊度出，操作上安唔安全呢？」
唔安全又點可以光明正大喺香港賣，高調強勁宣傳攻勢，除咗雜誌仲wrap埋成架電車添！由瑞士科研、韓國製造，獲韓國專利局、GMP及KFDA認證品質的安全性及有效性。
唯一要留意一點，假若自己進行療程時與別人有身體接觸，有機會輕微觸電，需小心。
Q「想問有無折頭？」
吓？！如果我係代理一定俾折你。
為配合人體循環系統，動作必先由左邊開始，再到右邊；從下而上，即頸至面，再到額頭。隨機附送教學小冊子及DVD，唔驚買咗唔識用！
呢部射頻機我除咗要嚟做面，仲會用盡佢：預防手紋
對付大腿橙皮紋
為小腿修緊及去水腫
必睇真人示範片段，即使無機都可以用雙手配合，教大家正確通淋巴回春美顏法，容易理解和掌握。
***緊記凡事適可而止！頭一個月可以頻密點，往後一個月三至四次作為 maintenance 已足夠；此外，由於真皮受熱，緊記不忘為它 cool down -多多補充水分和營養，我每次做完機，也會隨即敷上強效面膜駐顏，特別吸收呀！
——————————————————————————————————————–本週《MORE》專欄精采內容：
遊日必掃 平價美容三寶
家陣，香港人最愛遊日韓台三地，我亦然！上月尾到日本山形縣工幹，隨後留
守東京加入激安購物戰團，指定動作當然不少得搜刮既平價又好用的護膚品介紹給大家！
詳情請留意今期《MORE》專欄。
http://yokotsang.blogspot.com/
沒有留言:
發佈留言
注意：只有此網誌的成員可以留言。