尋日講過去西環打邊爐，嘩，估唔到大受歡迎，仲有讀者睇完後，當晚就去試食，真係多謝大家支持！
既然大家唔怕遠，只要好食就去試，咁就搵埋我隻「為食貓」Bubebu，講多一間西環秘店！
Bubebu：「睇見下面條魚，已經想食鬼左佢！」
哈哈，呢條魚真係唔講得笑，係一條非常正宗泰式燒魚，魚肚塞滿泰式香料香葉，用粗鹽慢火燒，呢種燒法，好多泰國餐廳都做得到，但呢間做得零舍特別，燒好之後，成條魚可以企直在碟上，超級立體 3D，仲要企得穩先犀利。
咁樣食法，可以避免將魚身平放、肉汁滲出浸軟魚身的另一邊，仲可以 fit 晒二人打對面食，一人一邊咁慢慢用筷子拆肉，唔使爭食，爽！
呢條燒魚個名堂，就係叫「萍姐燒魚」，細魚$78、中魚$88、大魚$98，認真抵到爛。而呢一間叫「萍姐」的泰國餐廳，由萍姐一手主理，屬非常住家的泰國菜，例如叫咖喱雞，居然唔係用雪藏雞柳，而係用鮮雞件（連骨）去煮，其他串燒都一樣美味，串燒牛舌好似食緊 Toro 咁樣入口即溶，認真誇張！拌住咖喱蟹的不是飯or麵包咁普通，而係冷米線夾生菜，可惜我當日忙住傾計聚舊無特別影相，淨係影左條魚咋！
門口貼滿一排明星食客相，當晚就巧遇DJ森美特登駕車去，舖仔細細又如何，好食又抵食梗多人幫襯啦！
Bubebu：「好食到翻肚咪就係咁解囉！」
嘩，呢幾日係咁食，真係要收斂下先得，如果再係咁食落去，就會變成我另一隻「嘉德里奧」肥貓----Mic Mic，成20磅重！肥到幫唔到自己個肚沖涼，哈哈！
Bubebu：「好啦，咁我變做乳豬貓俾你食啦！」
萍姐泰國菜
西環西營盤第三街153-155號（水街及第三街交界）
Tel：2151 9597
晚上6點至營業
——————————————————————————————————————–本週《MORE》專欄精采內容：
遊日必掃 平價美容三寶
家陣，香港人最愛遊日韓台三地，我亦然！上月尾到日本山形縣工幹，隨後留
守東京加入激安購物戰團，指定動作當然不少得搜刮既平價又好用的護膚品介紹給大家！
詳情請留意今期《MORE》專欄。
http://yokotsang.blogspot.com/
沒有留言:
發佈留言
注意：只有此網誌的成員可以留言。