市面上愈出愈多貴價面膜，閒閒哋百多元一片 paper mask……敷得嗰15分鐘，真係秒秒鐘都燒緊銀紙！
上個月，我收到的面膜就真係有錢都買唔到喇！迂迴曲折下多得某美容院老板娘相贈，就是以下這包粉末…..
當拎上手時，心諗喺街俾警察見到咪以為我食緊大茶飯，都係包多幾層膠袋塞入手袋，費事張揚惹來麻煩！
究竟呢包粉末係乜東東？它是年届 90高齡隱世中醫的古傳敷面秘方，由多種中藥提煉，具極緻美白滋養功效，我知幾位星級名人都長期靠佢駐顏，今次終於可一試它的天然療效威力，真是超級興奮！
雖然此面膜不作公開發售，大家知道咗其存在都無得試，不過有一點美顏秘技倒值得公開的，就是中醫高人謂務必用白果磨汁與粉末混合敷面，其美白亮膚潔淨效果比用水稀釋高出幾倍！
此時醒覺，乜原來白果外塗具美肌療效咩？我一向都不愛白果味道，從來唔會放入口，真係失敬失敬！經高人回覆，始知白果為現存種子中最古老植物，有「活化石」美譽，含豐富鐵質、蛋白質等，有助促進血液循環，而蘊含的白果酸外用具消炎功效，可抑制某些細菌，其媲美天然煥膚特性，有效達致肌膚柔嫩、去除暗啞之效。
兩大妙法！
目標一：去除粉刺
將白果去殼切成一半，直接於鼻子及下巴位搓揉約1分鐘，療程為期14天，每晚使用，隨後以清水過淨便可。
試用後感：每次完成後，該皮膚部位份外清爽，我覺得控油收斂毛孔作用不俗，油脂減少......粉刺自不然受控。
目標二：美白嫩膚
將白果搗成液漿塗於臉上，避開眼部四周，每次敷約5分鐘，一星期兩次，是最天然且便宜淡斑更生肌膚之法。
試用後感：塗上面後不消 3 分鐘，汁液很快乾透，此時 feel 到面龐非常緊緻，我覺得 firming 及潔淨效果較美白更快見效。
然而DIY美肌法確實考工夫與心機，就以此為例，敷整個臉約要用上15粒白果，每次用工具剝殼、繼而用手指脫皮、再用刀仔切碎然後搞爛成汁液，真係想靚識唔可以怕煩！
提示：建議先敷在手腕內側幼嫩部位作測試，確保不會引起皮膚過敏才使用呢！
———————————————
本週《MORE》專欄精采內容：
庶民護膚法 對抗敏感肌
護膚之道，不在平貴，而是能否找到問題根源，對症下藥。
我一位要好的親戚，身體皮膚突然嚴重敏感，險命懸一線！整個過程雖驚險，但從中使我學會了一件事......醫生謂敏感肌沖涼時要特別小心。請留意今期《MORE》專欄。
沒有留言:
發佈留言
注意：只有此網誌的成員可以留言。