依家周圍都做緊 on sale，自問經不起誘惑，逛街街總忍不住手，呢兩星期羅致了好幾件戰利品，就在此與大家分享：
我的第二對毛靴！
而早前在 blog 上提及新買入的 UGG 是 casual 款式，屬功能性保暖，嚟緊去落雪嘅日本Yamagata就大派用場。
這新歡絕對是經過深思熟慮才決定，因為市面上毛靴充斥，我最討厭太 bulky、臃腫的設計，著到小腿粗足成個碼。
呢對毛靴齋睇巳經係我杯茶，毛毛部份被銀扣皮帶圍繞著，束起來有線條美也能更修腳形，型格與 elegant 兼備，最緊要係粗踭唔會著到腳痛，Katie Judith 約售 $850( i.t 單對折扣價)。
買完第二日即見報，同容祖兒撞鞋！
終於擁有大clutch！
除咗實用，當然係外表都吸引到我......至愛立體蝴蝶結囉，喺皮革上展現，甚具熟女 kawaii feel！
在 Time Square Valentino Red 新舖買有9折(其他shop無折) ，約 $3,500，相同款式仲有 dirty pink。
另外一個似餃子嘅 clutch 都好靚，是 satin 料，logo 牌用塑膠唔係鐵片，我覺得無咁襟用，所以放棄。約$2,500
平褸vs貴褸！
請大家估吓上圖兩件褸，邊件價值 $180、邊件價值 $1,800？
真係癲！我上星期六喺CWB買咗兩件褸，價錢相差竟然係十倍，但從外表看來也難以斷定邊件係平嘢、貴嘢！
我俾家姐同媽咪過目，結果每件褸各得一票「靚」，不分勝負！
————————————————————–—————————————
本週《MORE》專欄精采內容：
1分鐘甩掉頑固濃妝
我覺得，卸妝一環實情重要過化妝，否則皮膚糟蹋在自己手上，最終落得下場-暗啞、暗粒通通say hi！上妝容易，卸妝難，尤其是防水妝品，我推介簡而快步驟、強而淨產品，請留意今期專欄內的介紹！
沒有留言:
發佈留言
注意：只有此網誌的成員可以留言。