樂壇有頒獎典禮總結過去一年各人的貢獻，這裏範圍不大，主要總結過去一年我這個blog內「我最喜愛的blog文」。而這次頒獎，並非由我本人自己選出「我」最喜愛的blog文，它有一定的公平公開公正的計法，事緣在2011年的第一天，收到Wordpress的email：
重點不是做得好唔好，原來wordpress.com有幫我的blog文做統計，根據網民的點擊率，得出最多網民點擊的blog文，亦即是最受歡迎的文章，或今日blog的主題盛事：「我最喜愛blog文」！
排名分晒先後，五強名單分別係：
第1位：遇上「針清王」「通淋巴」高手！ （點擊即可重溫！）
得獎原因：一句講晒，市面難尋針清高手！自從針清王被我介紹後，我諗頭一個月的每一日，都有5-6個email查詢，直到現時，每星期都有3-4個email查詢，問我係咪真係咁勁！單係我自己身邊朋友都有近20人join course，甚至有內地網友來港旅遊都特登約針清王做facial，真係誇張！
第2位：針灸減肥真係 work！
得獎原因：大家諗都冇諗過，中式穴位針炙都有減肥效用，加上感覺天然，絕冇副作用或後遺症的慨念，能夠成為第2位，可算係實至名歸。但我認為視覺效果係得獎原因之一，睇見我被針拮到成面、成身都係，我身邊朋友的反應係：「做乜咁搏命？為部戲咩？」
第3位：去斑秘寶！
得獎原因：又係贏張相的一篇blog文！話說我的好友阿Mi親身試做Accolade 激光去斑機，將面上頑固雀斑一一清除，再將中間的創傷過程公開，結果憑超真心加搵命搏的精神，贏得blog友的歡心。
第4位：拮走黑眼圈、拮瘦小腿 – 首回合！
得獎原因：我有理由相信，其實所有網友對中醫的天然療然最感興趣。或者可以咁講，我自己對中醫技術都投以信心一票，所以寫來十分賣力，所以我所介紹的中醫師錢太的萬全堂都十分旺場。尤其文中講到所有女士都關心的黑眼圈問題，有解決方法喎，當然關心及高票啦！
第5位：經濟有危就有機……歐洲買袋、日本買錶！
得獎原因：有邊位女士對名牌冇興趣，尤其係講到如何以最抵的方法買到最貴的名牌，大家有共鳴都唔奇！唉，當中提到的買袋買錶的至抵方法，真係唔學唔得呀，回顧呢一年，Chanel加價加到癲，一個普普通通的2.55 chain bag差唔多要$3萬！Rolex又加價約5%，唔買股票唔買樓，真係應該買隻錶對抗通脹！
講到尾，我呢個blog如果冇大家支持，真係未必捱到咁耐，由我5月1日開始寫blog計，只有星期六、日及公眾價期沒有執筆，其餘日子都風雨不改，連出trip都帶埋notebook在酒店寫blog。我自己都估唔到我的耐力可以咁持久，而且望埋左邊的統計表，原來已經有30萬人次瀏覽我的blog，這也是一股有力的強心針！放心，我會繼續努力下去，下一年同一日，再做一次真真正正代表一整個2011年的「我最喜愛blog文」頒獎！
————————————————————–—————————————
本週《MORE》專欄精采內容：
1分鐘甩掉頑固濃妝
我覺得，卸妝一環實情重要過化妝，否則皮膚糟蹋在自己手上，最終落得下場-暗啞、暗粒通通say hi！
上妝容易，卸妝難，尤其是防水妝品，我推介簡而快步驟、強而淨產品，請留意今期專欄內的介紹！
http://yokotsang.blogspot.com/
沒有留言:
發佈留言
注意：只有此網誌的成員可以留言。