估唔到大半年過去，這股熱潮有增冇減，至少我老公已經醉心飛鏢，仲迫我投入。當然，我只係weekend有空，先會陪佢落酒吧癲下掟下鏢，加上佢無限量支持我購買飛鏢用品，我只好發揮購物狂精神，幫佢燃燒下心靈。
例如佢想買飛鏢袋，就迫我陪佢上網睇款，結果我就幫佢揀了呢兩個飛鏢袋：
接著當然係買飛鏢，我比較賭氣，專登整到套私家飛鏢似「公柴」（即是酒吧提供給沒有飛鏢的客人用的公家飛鏢，紅色鏢身紅色鏢翼就係公柴的特色），等別人以為我係初學者，同我玩落就知領野。
買了這麼多，反而買啤酒送的贈品更有型（我滴酒不沾的，想皮膚靚的第一戒條就係不煙不酒 ），例如呢個裝飛鏢鏢頭的四方盒：
以上東西當然未能滿足已經醉心飛鏢的另一半，佢最想買的，係佢在酒吧玩緊的Dartslive 2電子飛鏢機：
這個要$1,488，太貴了，除非同我買衫一樣有折，我先會考慮買俾你！
不過我搵到段片，可以當係送俾你：
幸好佢都算玩得唔錯，仲有人搵佢參加聯賽，咁我盡能力支持下你啦！
Good Darts!
————————————————————–—————————————本週《MORE》專欄精采內容：
1分鐘甩掉頑固濃妝
我覺得，卸妝一環實情重要過化妝，否則皮膚糟蹋在自己手上，最終落得下場-暗啞、暗粒通通say hi！上妝容易，卸妝難，尤其是防水妝品，我推介簡而快步驟、強而淨產品，請留意今期專欄內的介紹！
沒有留言:
發佈留言
注意：只有此網誌的成員可以留言。