大家估吓...我啱啱嘅 weekend 飛咗去邊個國家？10 女 1 男嘅組合，dress code：Cool Black！
開估...係去咗個短 trip，参加北京盛宴，傳聞百五萬一場、任王菲演唱會化妝的巨星-阿 Zing 就係是次活動重頭嘉賓，請得起 Zing 爺當然是大製作！邊個品牌咁把炮呢？遲幾日容後再談。
(今次我以 blogger 的身份獲邀出席，同行有各大雜誌、報章的美容記者及編輯、PR，又係敘舊好時機！)
例牌遊勝地：
坐三輪車遊四合院，心諗揀個靚仔精壯嘅，以為會安全 D，點知...行行吓就被人迫咗上車，咁啱坐正車隊頭目(圖中煲緊煙那位)，他帶領車隊以飛馳速度左穿右插小巷，加上地面凹凸不平，「凳」到 pat pat 開花，中途撞到架無人駕駛單車，我同 Sally 呆咗，車手卻處之泰然，真難忘！
去到四合院，齋影古色古香景點非我族類，等我坐埋一班當地團友身邊扮嘢留念，似足参加養生團！
有人話奧運期間有選手與妻子專誠選擇在這裏洞房，貪有情調喎！ Really？！似拍恐怖片多 D 喎...驚驚。
等我扮吓維園阿伯捉祺耍樂，未「老」籌謀！
呢度本來係荒置的舊電子工廠區，維基百科形容是東德的包豪斯建築風格；至1997年，中央美術學院的雕塑系教授隋建國是首位進駐的藝術家，跟住愈來愈多藝術團體搬進去，成為自成一角的藝術區。
現在的 Art Zone 商業味道甚濃，非藝術性餐廳、攤擋愈開愈多，對於我這類非藝術愛好收藏者而言，也感受到樂趣呢！
行行吓，差 D 撞襯佢...變形金剛和 Wall E 混合體？
著名恐龍雕塑，我前陣子在中環「九記牛腩」附近見到佢哋個仔...即恐龍仔，都賣成四萬八千元，譁...呢幾隻成年版身價難以估計呀！果真藝術有價。
圖中嗰位人兄，唔係人像，即白衫者，我來回逛都見到佢喺長櫈瞓覺，有埋由相信正在藝術區吸收靈氣。
mercibeaucoup, 式手作動物公仔，呢度細隻賣幾十蚊，大隻賣百多元，若果喺 I.T 見到佢哋，相信要幾百元至落到樓！另外，有酷似「架仔」樣貌的扭名藝術家即席扭鐵線，每個字，無論中或英都係五蚊，睇勻全個 Art Zone 佢最好生意，直頭扭唔切！
大家估吓地攤又有乜嘢最暢銷？答案如下...
就係十蚊有三個嘅抵色字款麻布小袋，幽你一默！
容後再續北京天上人間美食！
~~~~~~~~~~~~~~~~~~~~
本週《MORE》專欄精采內容：
台灣購物最終回，帶大家到台灣買平價名牌副線化妝護膚品，以及只有台灣獨有的美肌瘦身食品，睇到我都想再去多次台灣。
台灣購物最終回，帶大家到台灣買平價名牌副線化妝護膚品，以及只有台灣獨有的美肌瘦身食品，睇到我都想再去多次台灣。
沒有留言:
發佈留言
注意：只有此網誌的成員可以留言。