每次有人問我搽咗咩牌子嘅粉底，答案大比數令人嘩然，一係無、一係 BB Cream、粉底在我面上少之又少，但...並唔係想暗示自己膚質有幾好，相反地，係皮膚未夠平滑，上粉後經常出現浮粉，甚至令小暗粒更活現，所以唔搽好過搽。
粉底呢家修飾品，真係講人夾人緣，你搽得靚又唔代表佢又啱用喎！
正如舊同事 Sally 覺得 RMK 最啱佢，貼服又完美遮瑕；好友 Miffy 就最愛 Shiseido Maquillage ，話顏色啱亞洲人 skin tone，最緊要遮到佢個大眼袋；媽咪就最讃 La Prairie，非常水潤又貼薄，至好係遮到乾紋，再加上我解釋俾佢知含有魚子精華…點樣修護皮膚和抗衰老，佢梗係加分啦！
而我，試過 N 款品牌粉底，確實新人勝舊人，愈出愈優質！
以前搽粉底經常會出現在我面上的問題，如現乾紋、鼻尖甩皮、毛孔浮粉也逐漸有新景象，所以開始欣賞粉底的神乎奇技，偶然也遇到值得讃賞的，如 Sonia Rykiel 有「豆腐粉底」美譽的 two way cake，以同類型粉餅來對比，其質地極 creamy，算是 8 成遮到雀斑瑕疵，但絕對唔乾的選擇。名化妝師 Candy Law 試過幫我用 Estee Lauder double Wear Liquid Foundation 上妝，唔知係咪因為佢隻神來之手，我化完個妝貼服又夠薄，仲 last 到 whole day 添！
近日，我試到一款嶄新粉底液真係非常得，拍心口 100% 有信心介紹俾大家用，即將推出，務必注視唷！
Guerlain Invisible skin-fusion 粉底液 SPF 20PA+ $420 / 30ml (將於9月15日登場)
強力推介就是法國 Guerlain 的 Invisible skin-fusion Foundation，質感如其名，真係貼薄到好似為面上塑造第二層肌膚，塗上面似搽緊 lotion，非常水潤易推，無需附助工具，用手指兼零技巧都可以推得極均勻細緻，而且超薄無負擔，效果簡直似無搽粉，但皮膚靚到咁！
水盈質感，我選用的是 02 Beige Clair，偏粉調可以去黃氣！
試過唔小心擠多咗分量，諗住唔好嘥照搽晒上面，竟然一 D 厚重感覺都無，原來係因為粉底創製的絲質和麻質纖維，在面上與皮膚的角蛋白產生自然親膚力，仿如築起保護薄膜，既能承托緊緻肌膚，又有軟化作用，所以塗後絕對無「立」的厭惡感覺，最啱又熱又濕的天氣使用呀！
塗後乾紋被撫平，膚質看來細緻又柔滑了，膚色也非常均勻，看似 nude 妝般自然美化；說實話，較適合瑕疵不多的肌膚使用，因為如我額頭上新鮮長出來的小粒暗瘡，仍然未能遮蓋，只有遮紅效果。
(Step：額頭部位只需點 3 滴粉底液，用手指向左右兩邊推開，效果已極均勻，無需特別技巧啊！)
同系列碎粉：
Guerlain Invisible skin-fusion loose power $410 / 20g
粉盒設計型到吖！銀色鏡面很 cyber，配上黑色粉撲 … cool，I love it！
同系列仲會有碎粉，是有修護效果的礦物成分，撲上後令妝容看來持久啞緻和增加滑溜視覺效果，質感同樣輕盈舒適；兩個妝物配搭起來就像是肌膚的隱形薄膜，簡易地不著痕跡修飾肌膚。
礦物碎粉粒子很柔滑，呈啞緻效果，具控油作用，只有一款透明色澤。
同場加映：
家陣搞 press con 都要諗盡花臣，首要切合產品主題，又要樂趣無窮，難為了搞盡腦汁的 PR & Marketing 朋友們！
今次 Guerlain press con 的確好玩，令我樂而忘返，可惜趕住走下場工作，以下是我臨急抱佛腳下親手製造的藝術品呀！
在中環一間畫廊講解 Guerlain 即將推出的粉底新品，切合「亮肌妝藝」主題。
用上 5 分鐘，極速在兩張麻布上「我的低能創作」。
由於畫作未乾得切，他們即席包裝俾我帶走，PR 笑言：「Packing 穩陣到拎上機都得！」
連帶送個淨色 tote bag 俾我做乜呢？請睇以下便揭䁱...
登登登，我的手繪 tote bag，靈感是 Miss Marc 個 friend... Miss Eyes！
反轉另一邊，靈感是 Comme des Garcons 波點 pattern + 我個名雕花。
哈...哈...唔知擺上網有無人 bid 呢？
Artjamming
中環威靈頓街 123號地下
~~~~~~~~~~~~~~~~~~~~
本週《MORE》專欄精采內容：
台灣購物最終回，帶大家到台灣買平價名牌副線化妝護膚品，以及只有台灣獨有的美肌瘦身食品，睇到我都想再去多次台灣。
台灣購物最終回，帶大家到台灣買平價名牌副線化妝護膚品，以及只有台灣獨有的美肌瘦身食品，睇到我都想再去多次台灣。
微博：http://t.sina.com.cn/yokot/
http://vipblog.orientalsunday.hk/yokot/
http://yokotsang.wordpress.com/
http://yokotsang.blogspot.com/
沒有留言:
發佈留言
注意：只有此網誌的成員可以留言。