早兩個星期前的北京之旅，其實是應 Amway 之邀，參與他們的美容護膚系列 Artistry 的秋冬發布會。有些人或許覺得奇怪，Amway 都有出美容護膚品？如果你只係以為 Amway 得廚具、家居產品就大錯特錯，他們在美國亞達城自設美容護膚廠房，老早就有完整的生產線研發、製造美容護膚品。
這個北京的 Global Launch Party 有多重要？專程請到兩位新加坡化妝大師阿 Zing 及 Alvin Goh 預告2010秋冬的妝品潮流，集新品、潮流及技術於一身的盛會。
去到北京都遇到熟人，在發布會中被人拍膊頭，擰轉身一睇原來係 Real 丁子高，此知這個 event 是他所屬的公關公司 IPS 籌劃。他鄉遇故知，席前雞啄唔斷，我話 Real 成個人瘦晒 fit 到漏，連西裝褸袖都鬆，佢就同我猛講減肥經，微博上見到丁生丁太猛講減肥，佢兩個點減？微博上冇乜點提到，不過我可以爆畀大家知，就係瘋狂踩單車。上年我約埋成班朋友踩夜車，由科學園出發去大尾篤，friend 帶 friend 都居然撞到，原來大家都有 common friend 熱愛單車。當晚大家去到大尾篤仲一齊食泰國菜，食完回程到科學園上車走人，點齊人數準備散水時，居然唔見佢，原來佢中途爆車呔，急 call 的士回家，諗番真係幾搞笑！
掛住吹水，爭 D 忘記是日重點，就係阿 Zing 講秋冬妝潮流。猛人一席話，真係與別不同間，以下一番話，是他落台後的私人授課：「我今季的化妝革命是 Anti-Nude，突破點是要化得更誇張，用色大膽去製造華麗，金色、酒紅、魅惑紫都係主流。由裸妝到華麗中間會有一段混亂期，女人要記住，唔好怕自己太靚，我唔想見到100個 Janice Man 同 Angelababy 在街上爭豔鬥麗，落了妝你點算？咪變成一個又一個複製品囉！只有蠢人先唔會變！」
發布會後就係晚宴，同桌的是另一星級化妝師 Alvin Goh，期間提到在新加坡幫富貴太太轉 image 的趣事，談笑風生的他和阿 Zing 的權威截然不同，搞笑趣事一籮籮，在此不便透露，在街上遇到我，即管問我。
探討完秋冬妝容潮流後，便到了北京 Amway 旗艦店一試秋冬妝容，當地的化妝技術一樣超班。
至叻產品環節：
深葡萄、金黃、深黑、亮白眼影單色 $93、淺豆沙紅胭脂 $97、妝品盒 $185.5
Artistry 全部護膚妝品在香港有售。我最推間係呢個盒嘅設計…可以如砌 Lego 般自行套入兩款眼影和一款胭脂，盒底有磁石吸實條證唔會甩，上下兩層仲連迷你棉棒及化妝掃，size 細過我掌心，帶出街隨時補妝都咁方便。
我拼合了最常用的黑白色增大眼眼影，和可愛自然粉色胭脂。自己話事就唔怕若只 like 其中一色時，要食埋另外兩隻「豬頭骨」色。質地方面幼細柔滑，顯色持久，塑造華麗妝容一定夠搶！
亮玫紫、亮酒紅唇彩及唇膏 $170/支
Artistry 唇彩及唇膏，我所揀的顏色是深紫紅調，迎合番今年秋冬潮流。唇彩帶閃，可以造出飽滿豐潤的 sexy lip；唇膏則造出雅緻色調，質感非常柔滑，絕對不會現乾紋。
Artistry Creme L/X 是今年 Amway 的皇牌護膚品，強調激發細胞能量的 anti-aging product，讓肌膚重拾十五年青春。我在北京三日都係用佢，於我而言，在北京這極度乾燥的地區測試這產品最好不過，至少我用後都沒有乾紋出現，非常保濕滋潤。出發前我勁驚乾燥天氣及酒店超抽濕環境會搞到我勁乾，所以一早帶備不少保濕產品同行，事後證明我又再整重個行李箱，一樽 Artistry Creme L/X 已經搞掂晒。$3,357
Amway 銅鑼灣軒尼詩道 468 號地鋪 電話：2969 6300
——————————————————
本週《MORE》專欄精采內容：
暗瘡遺留下的凹陷疤痕為禍人間，令患者失去自信心，甚至十萬個不願意與別人正視對話，我經常收到網民email詢問此等相關解決方案，有感發問者對此問題的困惑，決定幫大家一把，見招拆招！今期介紹的「納米子彈」，能極速去疤，有此煩惱者必讀！
沒有留言:
發佈留言
注意：只有此網誌的成員可以留言。